Уметници кои ги мразеле своите ремек дела

Успехот може да биде меч со две острици за некои уметници. Со една песна, едно ремек дело можете да станете популарни, но публиката секогаш од вас ќе очекува да ги реплицирате истите работи без отстапување, со години. 

Ако сте сликар, ќе се очекува да го користите истиот стил во сите дела, ако сте пејач, ќе се очекува да создавате хитови секоја година.

Поради овие причини, некои уметници навистина ги мразат своите ремек дела:

Radiohead, „Creep”

Иако оваа песна е многу популарна, фронтменот на бендот Том Јорк не ја сака, бидејќи бендот стана познат само поради таа песна. Со текот на годините тој ја замразил песната, а бендот никогаш не ја свири во живо.

Woody Allen, „Manhattan“

Менхетн е романтична комедија напишана и режирана од Вуди Ален. Филмот е познат по различниот изглед (снимен е во црно-бело и со широк екран), искрената приказна и убавата музика.

Кога излезе веднаш стана голем хит, омилен кај публиката и критичарите. Некои критичари дури сметаат дека ова е најдобриот филм на Вуди Ален. Ален отсекогаш бил остар критичар за неговата работа.

Тој не мисли дека некогаш направил голем филм. Кога излезе филмот тој бил толку разочаран што дури понудил да направи нов филм, за да не мора овој да се прикажува.

Stanislaw Lem „The Astronauts“

Станислав Лем се смета за еден од најдобрите писатели од Полска и еден од најдобрите научно-фантастични писатели.

Неговата кариера започна со книгата „Астронаути“, објавена во 1951-та година. Книгата веднаш стана хит и пресвртна точка во неговата кариера како научно-фантастичен писател. Тој изјавил дека „малку му се гади од оваа книга“.

Led Zeppelin, „Stairway To Heaven”

Едно нешто е сигурно, не постои човек кој апсолутно ја презира песната како пејачот на Лед Цепелин Роберт Плант. Плант вели дека секогаш мразел да ги завршува концертите со оваа песна. Со децении тој одбивал да се обеди бендот Лед Цепелин, бидејќи не сакал да ја пее песната повторно.

М. А. | Црнобело