Што ќе напишете вие на таблата: За што најмногу се каете во животот?

Во центарот на Њујорк поставиле црна табла со едно единствено прашање: За што најмногу се каете?

Оние кои поминувале покрај таблата подзастанувале и ја загледувале, а некои и посегнале по кредата да напишат за што најмногу се каат.

По извесен период таблата добила сосема поинаков изглед. Оние кои решиле да напишат нешто се на свој начин уникатни, од различна култура, религија, раса... Но, она што е заедничко е тоа што работите за кои се каат се многу слични. Зошто?

Се работи за зборови кои не биле искажани или пак работи кои не ги направиле.

Ова се 7 причини за каење кои ги имаат најголемиот број луѓе:

1. Се каам што не ја покажувам мојата љубов почесто

Можеби мислите дека луѓето во вашиот живот знаат како се чувствувате, но делата се многу погласни од зборовите.

2. Се каам што не сум подобар сопружник, родител, дете

Дали сте најдобриот сопружник кој вашиот партнер може да го има? Дали сте добар родител? Дали зборувате со вашите родители доволно? Проценете каков ви е односот со вашите најблиски.

3. Се каам што поминувам толку време на работа

Да, работата е еден начин да му покажете на семејството дека го сакате и се грижите за него, но дали работата ви е на прво место во животот?

4. Се каам што не сум преземал/а повеќе ризици во животот

Не премолчувајте, кажете што имате да кажете и бидете свои.

5. Се каам што не сум уживал/а во животот и што не ги следам моите соништа

Дали сакате да испробате некое хоби? Што ве спречува? Живејте во сегашноста, не за иднината.

6. Се каам што не сум се грижел/а повеќе за себе

Дали се храните здраво? Дали вежбате? Дали се одржувате во форма? Многу луѓе се каат за тоа што не се грижат повеќе за своето тело.

7. Се каам што не сум давал повеќе на другите

Постојат луѓе кои имаат потреба од вашата помош, од вашата поддршка - дали го правите тоа?

Н. Г. | Црнобело