Подгответе си Cookies

Нема кој не ги пробал Cookies. И нема кој не ги сака овие колачиња. Еве ви можност да си ги подготвите во домашна атмосфера и да уживате.

 

Погледнете колку е едноставно ова слатко уживање!

Потребни состојки:

• 125 грама шеќер
• 200 грама чоколадо за готвење
• малку  прашок за пециво
• 200 грама маргарин
• 1 кесичка/ки ванилин шеќер
• 300 грама брашно
• 1   јајце

Подготвување:

1 јајце се мати со 125 грама шеќер додека не се стопи шеќерот со јајцето.

Се додава пола маргарин и смесата се изедначува. Откако ќе се добие хомогена смеса, во неа се додава 300 грама брашно, прашак за пециво, еден ванилин шеќер и 150 до 200 грама чоколадо за готвење исечкано на мали коцкички.

Сето тоа се замесува како во тесто, по потреба се додава уште малку брашно, за да се направат топчиња од смесата.

Топчињата се ставаат во претходно подмачкан плех со маргарин, малку разделени меѓу себе.

Се пече во предходно загреана рерна на 200-250 степени, за колачињата да добија темно жолта боја.

Ви посакуваме крцкаво и вкусно засладување!