Работи кои не можат да се докажат, но луѓето сепак веруваат во нив

Емпириски докази ни помагаат да одредиме во што треба, а во што не треба да веруваме, но понекогаш не ни се достапни сите факти. Дури и кога немаат цврсти докази, луѓето имаат тенденција да веруваат во одредена појава.

Од работите кои не можат да се видат со човечкото око, до форми на живот кои допрва треба да се откријат, ова се најчестите работи во кои луѓето веруваат и покрај недостаток на проверливи докази.

Вонземјани

Постојат многу теории на заговор поврзани со вонземјаните, кои наводно често летаат во своите летачки чинии над нашето небо. Допрва треба да се верификуваат докази дека постојат и други форми на живот во вселената, надвор од нашата. Сепак, многу луѓе цврсто веруваат дека постои живот на други планети. Од видеа со необјасниви објекти на небото, до лични сведоштва од луѓе кои велат дека биле земени во вселенското летало.

Астрологија

Поимот на астрологијата не е нов; луѓето донесувале важни животни одлуки според ѕвездите со векови. Не постојат докази кои велат дека начинот на кои планетите и ѕвездите се усогласени ни го обликува животот и судбината, но речиси сите веруваат дека одреден хороскопски знак ни дава одредени предиспозиции и карактеристики. Дневни хороскопи и астролошки листи станаа водечки алатки за многу луѓе, кои навистина мислат дека датумот на раѓањето ја одредува нивната судбина.

Духови

Секој кој тврди дека има видно дух може да каже дека има доказ дека постои живот после смрт, на некоја друга разина на постоење, но скептиците тврдат дека сите морничави видувања можат да се објаснат. Било да се работи за трикови со светлина или некое друго логично објаснување. Додека „ловците на духови“ имаат специјални електронски алатки со кои можат да ја измерат активноста, резултатите се отворени за интерпретација.

Карма

Без разлика дали ќе ја наречете карма, или „сè се враќа, сè се плаќа,“ постои заедничко верување дека доброто однесување се враќа со добро, додека последици од лошото однесување можат да ве прогонуваат и во „следниот живот“.

Судбина

Фразата „ сè што се случува се случува со причина" често се користи, особено после големи несреќи. Додека немаме вистинска причина да веруваме во оваа теорија, често самите си кажуваме  дека одредени настани, ако не и сите, се случуваат со причина. Со ова верување луѓето полесно поминуваат низ тешките периоди во животот.

М. А. | Црнобело