Папагали, петли, брадавици: Најчудните методи за предвидување на иднината

Историјата не научи многу нешта. Многупати сме биле изненадени од одредени историски работи кои денес не се практикуваат. Една од праксите од минатото која и ден денес се практикува е дивинацијата, народски наречена: гатање, односно предвидување на иднината.

Телевизијата, интернетот, самонаречените окултисти и спиритуалисти, не бомбардираат со своите „визии на иднината“.

Денес, најчесто во селските подрачја се користат стари методи на предвидување, како гледање на шолја од кафе, користење на тарот карти, гледање на грав и сл.

Дали верувате во овие техники останува на вас.

Кои биле најчудните методи на предвидување низ историјата?

Алектриоманција

Се работи за предвидување на иднината со помош на петел. Тој бил ставен среде купови со жито. Секој куп претставувал буква. Кога петелот ќе почнел да ги јаде, се дешифрирале буквите и се добивал одговорот на прашањето.

Ова требало да се прави само кога месечината или сонцето биле во соѕвездието на овенот, инаку гледањето немало да успее.

Харуспиција

Се работи за предвидување на иднината преку детално истражување на животинската утроба, обично на црниот дроб. Иако оваа техника била најпозната кај Римјаните, се работи за етрурска пракса.

Најпознатиот харуспикс (како што ги викале луѓето кои го практикувале овој начин на гледање) бил Спурина, кој дури и Јулиј Цезар го викал да прави предвидувања.

Папагалска астрологија

Оваа пракса потекнува од Индија, но популарноста ја добила во Сингапур. За предвидување се користеле зелени папагали. Клиентот го изговорал своето име додека врачот пред него поставува голем број на картички, базирани врз индиската космологија. Потоа го отворале кафезот, а птицата ја избирала картата.

Една птица, по име Мани успешно ги предвидела сите победници на четвртфиналето на Светското првенство во фудбал во 2010 година. Сепак, не успеала да го погоди победникот.

Скатоманција

Се работи за предвидување на иднината преку измет. Оваа пракса е стара со векови, а постоела во многу различни форми. Најраната верзија била развиена во древниот Египет.

Иднината се дешифрирала преку анализа на обликот, текстурата, па дури и мирисот на изметот на клиентот.

Румпологија

Верувале или не, оваа „дисциплина" се нарекува румпологија, а една од нејзините први ученички била мајката на Силвестер Сталоне, Џеки. Се работи за читање на иднината врз основа на задникот.  

Џеки верува дека оваа техника се практикувала дури и во Вавилон, Индија, античка Грција и Рим. Џеки Сталоне вели дека левата и десната половина на задникот може да ни ги открие минатото и иднината.

Претскажување преку брадавици

Оваа техника потекнува од Јапонија. Иднината се предвидува според обликот на брадавицата. Се работи за шега која, сепак, некои луѓе ја сфаќаат сериозно.

М. А. | Црнобело