6 заеднички навики на несреќните луѓе

Сите обиди да ја пронајдете среќата во другите или туѓите постапки, а не во себе и своите, ќе завршат со неуспех.

Среќата би требало да извира од вас, а не да биде дефинирана во облик на скапа гардероба, комотна куќа или совршен партнер.

За да не западнете во групата на константно несреќни луѓе, би требало да ги воочите 6-те најчести навики кои луѓето ги прават постојано негативни:

1. Постојано критикување

Без разлика дали критиките се однесуваат на самите себе или на другите, само ширите негативност со нив. Сфатете дека и вие и другите прават грешки и продолжете понатаму. Пробајте да го цените доброто, наместо да се задржувате до лошото.

2. Зависни се од негативни задоволства

Ваше е да одлучите кои од задоволствата ги сметате за негативни и да се ослободите од нив. Ќе ги препознаете така што краткорочно ви делуваат пријатно, но ако размислите подолгорочно, не ви носат задоволство, успех или среќа.

3. Постојано копање по минатото

Никој не би требало да го заборави своето минато, затоа што така ризикувате да ги заборавите лекциите кои сте ги научиле од него. Но, тоа не значи дека постојано треба да му се навраќате. Клучот е во балансот.

4. Грижа

Грижата е нешто вродено од кое не можете да се ослободите, но кога се грижите до степен што не сакате да започнете ништо ново или се плашите како ќе ви тргне денешниот ден, неуспехот ви е веќе загарантиран. Наместо тоа, размислувањето на опциите и можностите може да ве смири и направи позитивни.

5. Дозволувате да ве води стравот

Мотивацијата е одлична. Сите сакаме што побрзо да стигнеме до она што сме го зацртале. Но, тоа никогаш нема да се случи ако се плашите. Кога сте водени од стравот, многу помали ви се шансите да успеете, а за сметка на тоа грешките сигурно ќе станат побројни.

6. Жалење и озборување

Озборувањето на туѓата несреќа само покажува колку и вие сте несреќни. Кога се жалите, наместо да барате решенија, важи истото.