8 заблуди поврзани со жените со висока самодоверба

Има многу работи кои можеме да ги научиме од жените со висока самодоверба.

Не треба да им завидувате, да ги осудувате и критикувате. Наместо тоа научете нешто од нив и сконцентрирајте се на себе. Работете на тоа да станете подобра личност.

Во продолжение 8-те најголеми заблуди за жените со самодоверба:

Тие се бесчувствителни

Многумина веруваат дека овие жени немаат чувства. Дека не се сочувствуваат со ситуациите и дека тие не поминале ниту една ноќ во размислување за врските кои ги имаат со луѓето или пак за нивната кариера. На кратко, дека се себични и егоцентрични. ГРЕШКА! Тие имаат моменти на слабост исто како и сите други луѓе, само знаат да се контролираат.

Не сакаат комплименти

Секоја жена, без разлика дали е полна со самодоверба или не, сака пофалби и комплименти, само разликата е во прифаќањето. Силните девојки би рекле само „благодарам“ и нема да покажат дека се премногу возбудени или среќни. Затоа луѓето си помислуваат дека тие дури и мразат комплименти. Но, верувајте жените со самодоверба сакаат пофалби и навистина ги заслужуваат.

Тие секогаш знаат сè

Да, жените со самодоверба се паметни и интелигентни, токму тоа ги прави и силни – но тоа не значи дека знаат сè. Овие жени не се плашат да си ги признаат грешките и да извлечат поука од нив.

Не се плашат од ништо

Дури и најсилната жена има најмалку еден страв. Овие жени како и сите останати се плашат од неуспех, од смрт, од осаменост, од скршено срце. Само што разликата е во тоа што тие не подлегнуваат на предизвиците, туку токму тогаш стануваат посилни со повеќе верба која ги носи до посакуваниот успех.

Не им е грижа за туѓото мислење

Има разлика помеѓу тоа да бидете загрижени за она што ќе кажат луѓето, а друго е да го земете предвид нивното размислување. Силните жени немаат потреба да бараат одобрувања и да бидат контролирани.

Никогаш не се повредени

Ова е страшна заблуда која луѓето ја имаат за силните жени. Силните жени се обични луѓе од крв и месо, не се карпа мраз. Тие чувствуваат болка, фрустрација, депресија, баш како сите други.

Не можат да сакаат

Можеби имаат проблеми да ги искажат чувствата, но тие чувствуваат. Тие ги сакаат луѓето, животните и светот. Кога една ваквата девојка ќе се заљуби, таа прави сè за да ја докаже својата љубов. Не да каже со зборови, туку да ја покаже. Затоа момци не плашете се од овие девојки. Наместо да ги напаѓате и критикувате, поработете на својата самодоверба.

Тие се нарцисоидни

Само затоа што се сигурни и одат со главата гордо исправена не значи дека не ги почитуваат другите и дека мислат само на себе. Тие секогаш се обидуваат им помогнат на останатите и да ги инспирираат да живеат подобар живот. Себичноста не е нивна карактеристика.