На кои животни се базираат некои од најпознатите митски суштества?

Сите знаеме дека чудовишта не постојат нели? Но, некои од страшните чудовишта и митолошките суштества ги имаат своите корени во човечките средби со вистински животни.

Ова се некои од нив:

Кракен

Под темното море демне во длабочините гигантското чудовиште наречено Кракен. Митови од целиот свет од кои некои датираат од пред 2000 години, зборуваат за ова застрашувачко морско чудовиште кое со своите пипала можело да ги преполови бродовите.

Многумина веруваат дека оваа легенда е поврзана со средбите на морнарите со џиновската сипа - животно толку таинствено, што ретко е фотографирано и истражувано од страна на научниците. Со должина од повеќе од 12 до 15 метри и со тежина од повеќе од 400-тини кила. Сепак, фактот дека тие ретко можат да се видат укажува на тоа дека тие се срамежливи животни.

Грифон

Половина орел половина лав. Митовите за грифоните датираат од Антички Египет, каде што се претставувале како страшни чувари на скапоценото богатство и кралски симбол на мудроста и моќта.

Според теорија на историчарот Адриен Мејор, идејата за грифонот е родена со откривање на фосили од диносаурус наречен Protoceratops, кој имал четири нозе и силен клун.

Киклоп

Џинови од античкиот свет, киклопите биле опишани како чудовишта со едно големо око во средината на големото лице. Овој гигант всушност можел да биде роднина на слонот. На грчкиот остров Крит, археолозите неодамна откриле остатоци од „deinotherium giganteum“, изумрен предок на современиот слон.

Чупакабра

Застрашувачко суштество со силно тело кое личи на куче. Голем број на граѓани на Порторико тврдат дека го забележале Чупакабра во 1990-тите. Научниците тврдат дека ова суштество е некаков којот со кожна болест.

Змеј

Змејови - убави гуштери со џиновски вилици, остри канџи и силна магиска моќ, познати низ митовите на десетици култури низ светот.

Историчарите и антрополозите долго време дебатирале за потеклото на митовите за змејот. Се шпекулира дека тие би можеле да бидат базирани на некој вид изумрени гигантски крокодили или на комодо змејовите - големите отровни гуштери.

Сирени

Во митологијата овие опасни суштества ги привлекувале морнарите со своите песни. Понекогаш се опишувани како убави жени со опашка на риба и човечко тело.

Во реалноста, некои антрополози веруваат дека сирените биле инспирирани од морските крави, бидејќи истите живеат блиску до бреговите, па ако бродовите ги забележат, постои  опасност од бродолом.

Автор: М.A. | Црнобело