Дали погрешно го перете градникот?

Многу дами често се соочуваат со дилемата колку често треба да го перат својот градник, а стручњаците имаат неколку кратки препораки околу тоа.

Секоја жена има свој ритам на перење на долната облека. Некои сметаат дека треба да ги мијат градниците што е можно поретко, а други пак, ги ставаат во машината за перење облека исто како и гаќичките – после секое облекување.

Но, што е правилно?

Вистина е дека градникот ни е поблизу до телото одошто маиците и дека полесно се впива потта, но тоа не значи дека треба да се пере пречесто.

Како што тврдат стручњаците, честото перење на градникот доведува до губење на еластичноста, материјалот побргу се кине, а постои и поголема шанса дека жицата ќе излезе од корпата.

Ако градникот ги изгуби еластичноста и обликот, повеќе не овозможува доволна поддршка на градите.

Идеално е да имате неколку квалитетни градници кои можете да ги менувате, а потоа да ги перете на рака еднаш на 10 дена.

Посебно важно е да го прочитате упатството за перење и по секоја цена да избегнувате да го ставате во машина за сушење облека.

Ако морате да ги перете во машина за перење на облека, тогаш набавете мрежа за перење на долната облека.