Секоја домаќинка мора да знае: Пеглата отстранува мастика од облека, а завесите се избелуваат со прашок за печиво

Сите знаеме колку може да не изнервира мрсната дамка на омилената кошула или залепената мастика на фармерките.

Меѓутоа, овие трикови ќе ви се најдат токму во тие ситуации:

1. За да отстраните восок или мастика од гардеробата или постелнината, оставете ги прво да се исушат, а потоа гребете ги. Преку флеката ставете весник, па со пегла неколку пати поминете над весникот. Мастиката или восокот брзо ќе се залепат на него.

2. Масните флеки кои остануваат дури и по перењето на облеката, лесно ќе ги отстраните ако ги потурите со бебешка пудра. Почекајте неколку минути, па истресете ја облеката.

3. За завесите повторно да бидат чисто бели после перењето, потопете ги и оставете ги да преноќат во вода и прашок за печиво. На 3 литри вода оди 1 пакетче прашок за печиво.