Прв вселенски хотел во 2012

Изминатиот период доста се говореше за кризата во туризамот, но соствениците на првиот хотел во вселената сметаат дека на таа гранка...

 

...на економијата едноставно и треба нова дестинација каде ќе можат да се однесат гостите.

Проектот вреден 3 милијарди долари треба да биде готов до 2012 година, кога е предвидено првиот хотел во вселената да ги отвори своите врати за гостите.

Основачот на Galactic Suite Space Resort, вели дека една ноќ помината во хотел со поглед накај Земјата чини милион долари. За тој износ, гостите можат да го видат заоѓањето на сонцето 15 пати во текот на денот, бидејќи хотелот ќе се движи околу Земјата на секои 2-3 часа.

Иако оваа цена се чини како огромна сума на пари, сопственикот на идниот вселенски хотел вели дека оваа цена ќе падне во наредните 15 години, но и понатаму цените ќе останат високи, бидејќи оваа цена не го покрива патот до вселената. Превозот ќе биде организиран од истата комапнија, а ќе се поаѓа од Карибите.

Критичарите веќе го искажаа својот песимизам околу најавите дека овој хотел ќе биде готов до 2012 година.

"Мислам дека овој проект нема да биде готов до 2012 година, освен ако не најдат некој со неверојатно длабок џеб, кој парите едноставно и без проблем 'ќе ни ги фрли' во раце."

"Тоа едноставно звучи преамбициозно. Сепак, овој проект ќе биде успешен, само не верувам дека ќе се оствари за толку краток временски период. Дури и да биде готов до 2012 година, овој луксуз нема да им биде достапен на луѓето кои не се богати и славни", е дел од скептичната изјава.