Зошто фотографијата од маичката на оваа жена стана вирална?

Рејчел Тејлор објавила фотографија од себеси во маичка со американското знаме со долго заблагодарување на компанијата за облека Old Navy како резултат на коментар кој го чула.

Додека се подготвувала за Денот на независноста таа одлучила да си купи маичка која ќе го има американското знаме на неа и така да го прослави празникот.

Влегла во продавницата и пробала токму таков тип на маичка без ракави, но додека ја враќала на полицата поминале мајка и ќерка тинејџерка. Ја земале маичката во раце и кажале зборови кои ја повредиле Рејчел и ја натерале да ја објави ситуацијата.

„Денеска додека купував облека во Old Navy застанав меѓу тинејџерка и нејзината мајка. Девојчето ја фати маичката која ја пробав и се обрати на мајка и: „Види мамо овде може да ме собере мене и моите другарки“! Мајка и се насмеа и кажа: „Да, може! Тоа чудо е огромно!““ – вака започнува приказната на Рејчел.

Овие зборови ја оставиле младата девојка во солзи и ја натерале да излезе од продавницата.

„Не можев да издржам. Почнав силно да плачам, а маж ми ме изнесе надвор од продавницата. Седев во автомобилот извесен период, но станав и се вратив да си ја купам маичката. Одлично изгледам во неа“ – додава, таа.

Нејзиниот заклучок за целата ситуација е една моќна порака: „Бидете добри. Мислете на другите пред да зборувате. И ако некој ве повреди или навреди, најдобро е да продолжите натаму“.

Со оваа порака таа ги освоила срцата на безброј луѓе кои и возвратиле на Фејсбук:

„Ги обожавам Old Navy. Таму купувам долг период. Пред неколку години мојата тежина драстично се покачи и не ни очекував дека ќе најдам продавница каде ќе можам да купувам удобни работи“.

„Ти си прекрасна! И таа маичка супер ти стои. Супер што си се вратила назад. Јас никогаш не би можела да го направам тоа“.