Заради говорните потешкотии нема другарчиња, па родителите му организираат оригинална забава за 10-от роденден

Малиот Кемден Јубенк е 9-годишно момче од Вирџинија чии родители оваа година се одлучиле да ја исполнат неговата желба за 10-иот роденден – голема водена забава со многу деца.

Семејството на Кемден посакува да му ја исполни желбата за забава со водени балони, но ситуацијата е малку проблематична и комплицирана.

Кемден има говорно нарушување наречено Апраксија. Апраксијата подразбира потешкотии во планирањето на извршување на активности или движења по барање на некоја друга личност.

Како резултат на ова нарушување, малиот Кемден има проблеми со формирањето на пријателства.

Малиот Кемден не оди на училиште, туку има приватни часови дома бидејќи има проблеми со изговарање на зборовите и знае да биде понекогаш импулсивен како резултат на хиперактивноста.

„Тој е гениј во математика и сака историја и сака еден ден да биде кантри пејач како Лук Брајан“ – објаснува семејството.

Семејството ја подготвува забавата која треба да се одржи во јули оваа година, но бројот на поканети гости е многу мал: неговата сестра, нејзината најдобра пријателка и неколку нивни братучеди.

До пред некое време Кемден се дружел со некое постаро дете од соседството, но и тоа дете повеќе не сака да си игра со него.

Токму затоа неговото семејство формирало страна на Фејсбук и на GoFundMe преку која оставаат отворена порака за оние кои сакаат да присуствуваат на забавата и да го остварат сонот на малиот Кемден.

Досега добиле голема поддршка преку приказни од луѓе кои наишле на истите потешкотии и очекуваат роденденот на малиот Кемден да биде исполнет со многу нови пријатели.

Во случај да ве интересира што сака Кемден, еве една масивна тепачка со водени балони.