Поминал цел ден во штикли за да докаже дека жените оправдано се жалат (видео)

Многу од мажите сметаат дека девојките се премногу слаби и нежни и затоа се жалат од носењето штикли.

Но, веројатно треба да се обидат барем еден ден да влезат во нивните чевли и веднаш ќе им стане појасно и ќе имаат многу поголемо разбирање и почит.

Брендон Коен од Лос Анџелес бил убеден дека жените премногу се жалат поради штиклите кои ги носат за тоа дека се целосно неудобни, а толку добро изгледаат од страна.

Затоа одлучил да помине еден обичен работен ден носејќи сандали со високи и тенки потпетици, а сето тоа го снимил со камера.

Сакал да докаже дека штиклите воопшто не му пречат, а едвај издржал 12 часа на нозе пред да признае дека не се залудно наречени „ѓаволски чевли“.

„О, Боже. Веќе имам ужасни болки. Ова не е нормално“, искоментирал неколку минути откако удобните патики ги заменил со штикли.

Уште по 10 минути му било јасно дека жените не се „лигават“, туку ова се навистина неудобни чевли.

Посебно е интересен неговиот обид за да го вози автомобилот со штиклите, нешто што жените секојдневно го прават, а тој баш и не се снаоѓа најдобро.

На крајот, покрај тоа што научил дека жените се физички многу поиздржливи отколку што изгледаат, сфатил уште нешто.

„Чувствувам дека колегите на работа не ме почитуваат многу. Мислам дека е ужасно што морам да бирам помеѓу тоа некој да ме почитува и да изгледам добро. Баш е глупаво. Навистина е тешко да си женско“.

По 2 часот околу пладне, шетајќи низ трговскиот центар, сфатил дека не може да издржи.

„Сакам само да умрам, не можам да издржам, нозете ми се тресат“ – едвај зборува.

Иако планирал денот да го заврши во некој клуб, уште во 19 часот ги соблекува штиклите и оди бос до дома.

„Едноставно е невозможно колку боли. Ќе се напијам некое апче и ќе спијам“ – изјавил на крај.

Погледнете ја снимката од неговиот ден на штикли: