16 лебарки во уста!

Шон Марфи, вработен во продавница за миленичиња Прус Петс во Мичиген, неофицијално го сруши светскиот рекорд во бројот на лебарки "пикнати"...

 

... во уста. Без никакви проблеми, Шон во својата уста смести 16 од овие ужасни инсекти.

Американецот Марфи во петокот на 23 Октомври, со поддршка од обожавателите на инсекти, при рушењето на светскиот рекорд "лапнал" 16 мадагаскарски лебарки во уста, и тоа во рок од нешто повеќе од 10 секунди. Со тоа, Шон го собори светски рекорд поставен минатата година, чија бројка изнесуваше само 11 лебарки.

Марфи најпрво запна на 12-тата кога причека заслужени неколку секунди, а потоа внесе уште 4 парчиња. Откако заврши и го сруши рекордот тој веднаш ги исплука инсектите, а тие живи и здрави се разбегаа.

Шон очигледно има посебен однос со лебарките, затоа што по овој дел тој повтроно извлече уште некоја лебарка, која ја стави во устата, а потоа и дозволи да му шета по лицето.

Официјалниот одговор од Гинисовата книга на рекорди треба да се добие во текот на оваа недела.