Моќта на споделувањето: Божиќна реклама поинаква од сите други

Иако се мислеше дека нема подобра божиќна реклама од онаа на брендот John Lewis, новата реклама на ланецот маркети Sainsbury ги надминува очекувањата.

Со силна порака дека „Божиќ е за споделување“, низ емотивното видео кое се навраќа во периодот на Првата светска војна, претставени се посебните моменти и чувства на војниците од двете спротивставени страни.

Тие пеат божиќни песни, разменуваат поздрави и честитки, играат заедно фудбал. По завршувањето на играта го разменуваат она што го имаат. Некои имаат само една бисквита во џебот, други имаат чоколадо. Но, важно е споделувањето на радоста и предизвикување на насмевката.

Чоколадото кое е претставено во рекламата ќе биде пуштено во продажба за 1 фунта, а собраните средства ќе бидат донирани во хуманитарни цели.

Затоа што Божиќ треба да се споделува!