Кој е цветот на вашето расположение?

Како би го опишале вашиот секојдневен мирис? Дали парфемот што го користите има цветна, дрвенеста, слатка или овошна арома?

Независно кој парфем го користите, сте знаеле ли дека неговите мирисни ароми доаѓаат од есенцијалните масла на овошјата, цветовите и билките, кои всушност имаат ефект на поттикнување на вашето расположение?

Одберете го омиленото и погледнете како неговата арома влијае врз вас.

Босилек

Босилекот не е само зачинска билка. Листовите и цутот на босилекот, кој е тропска билка и расте во Азија и Африка, даваат есенцијално масло со сладок мирис кое го подобрува расположението, го обновува изморениот ум и ја оттргнува меланхолијата.

Кедрово дрво

Кедровото дрво е есенцијално масло кое често се користи во изработка на машки парфеми. Има зачаден, мошусен мирис кој го доловува машкиот мирис, а истовремено помага во зајакнување на духовноста на оној што го користи.

Каранфилче

Мирисот од есенцијалното масло на каранфилчето се добива од неговите суви цветни пупки. Има жестока арома и миризливост која делува како антисептик. Дава чувство на удобност.

Лаванда

Лавандата е најпопуларното масло и ако ви се допаѓа слаткиот мирис на цветот, дефинитивно ќе имате корист од неговите релаксирачки и хармонизирачки ефекти на вашето расположение. Помага во елиминирање на стрес и мигрена.

Бергам

Есенцијалното масло од бергамот доаѓа од кората на јужно овошје, кое успева главно во Реџо Калабрија, Италија. Тоа произведува киселкав, цветен мирис, кој е исклучително освежувачки. Ја смирува депресиајта и ја намалува анксиозноста.

Јасмин

Цветот кој потекнува од Кина и Индија со својот егзотичен и сладок мирис ќе го подобри вашето расположение и ќе ви ги успокои нервите. Исто така ќе ви даде и самодоверба, чувство на оптимизам и еуфорија.

Иланг-Иланг

Сензуалниот мирис на цветот Иланг-Иланг од Индија има етерични ноти кои лесно се препознаваат во секој парфем. Има смирувачко дејство и ја зголемува сексуалната желба.

 Кој е цветот на вашето расположение?