Сигурни сте дека двете страни на лицето ви се еднакви?

Ако на прв поглед ви се чини дека ви се еднакви левата и десната страна на лицето, можеби треба да погледнете подобро. Често се вели дека топ моделите имаат совршено симетрично лице, но и тоа не е точно.

Фотографот Алекс Џон Бек дошол до интересна идеја со која ја докажува несовршеноста и нееднаквоста на двете страни од лицето.

Во неговиот интересен фотопроект „Both sides of“ тој решил откако ќе ги фотографира портретите на некои топ модели, но и на обични луѓе, да им ги спореди левата и десната страна од лицето на одделни фотографии.

Имено, на една фотографија ја пресликал огледално левата страна од лицето, а на другата фотографија ја пресликал огледално десната страна од лицето. На тој начин добил лик со две идентични и симетрични страни.

Откако ги поставил една до друга фотографија и јасно покажува што значи да бидат идентични и симетрични двете страни на лицето, се забележува видлива разлика помеѓу левата и десната страна на лицето.

Кога им ги покажал фотографиите моделите биле изненадени, но и разочарани.

Алекс решил да не ги објавува оригиналните фотографии со несиметричните страни на лицата за публиката да не се фокусира во барањето на измените и споредување со фотомонтажите.