5 брзи начини да се ослободите од мирисот на цигари

Пушењето во затворени простории остава доста непријатен мирис кој се лепи за облеката, завесите и мебелот. Ако и вас ви пречи облакот од чад штом гостите си заминат, испробајте ги следниве неколку трикови.

Оцет и јаглен

Јагленот и оцетот ги неутрализираат сите непријатни мириси. Во неколку садови истурете малку оцет или ставете парчиња активен јаглен и поставете ги во просторијата. Ако имате деца или миленичиња, садовите поставете ги на недостапни места.

Парфем

Испрскајте малку парфем на оладената сијалица, а потоа запалете го светлото. Штом сијалицата се загрее, просторијата ќе се исполни со пријатен мирис.

Омекнувач за облека

Ако почувствувате дека вашите ракавици, капи и шалови впиле мирис на цигари, а планирате да ги носите, најпрво оставете ги неколку часа на свеж возух. Потоа, заедно со омекнувач во облик на марамче или миризлива кесичка, нека отстојат во затворена пластична кутија.

Миризлив песок

Во пепелникот посипете малку обичен или миризлив песок кој целосно го отстранува мирисот од отпушоците. Дури може и да користите песок за мачки.

Сода бикарбона

Навечер, пред спиење, истурете малку сода бикарбон на тепихот, гарнитурата и ќошињата на просторијата. Наутро добро исчистете ја со правосмукалка.