Најубавата и најемотивна божиќна реклама (видео)

Лондонскиот ланец  продавници „John Lewis“ ја има најубавата и најемотивна новогодишна реклама. Таа е толку популарна што веќе има и цела кампања со различни производи на „The Bear & The Hare“.

Приказна во вид на краток анимиран цртан за мечката која никогаш не го доживеала Божиќ.

Како што е познато, мечките се во зимски сон, па речиси секогаш ја пропуштаат новогодишната ноќ.

Сепак, нејзиниот пријател, зајачето Хери сака да направи нешто посебно и да ѝ ја покаже божиќната магија и празнична убавина.

Затоа, смислува оригинален подарок, часовник, наместен во точно време да заѕвони за да ја разбуди.

Убаво спакуван ѝ го остава во пештерата каде што спие. Во моментот кога сите животни се собираат и се радуваат на своите подароци, мечката сè уште ја нема.

Зајачето е тажно, мислејќи дека нема да се разбуди. Но, таа доаѓа во вистинскиот момент кога блеснува шарената новогодишна елка.

Магичниот момент, топлото чувство, љубовта и пријателството се најубавите подароци кои може некому да ги подарите. Само треба да смислите оригинален начин за тоа да го покажете.

Погледнете ја најубавата божиќна реклама: