Писмото од таткото до ќерката која го избркала од дома синот кој признал дека е геј

Во последно време се повеќе луѓе јавно се декларираат како хомосексуалци и лезбејки, па и во медиумите сè почесто има примери за реакциите на нивните блиски.

Така, американските медиуми, пренесоа писмо од еден татко до неговата ќерка, која се одлучила да го избрка својот син од дома, негов внук, откако признал дека е хомосексуалец.

Еве што и пишал татко и:

„Драга Кристин,

Се разочарав од тебе ќерко. Во право си кога велиш дека во домот ни влегол срам, но мислам дека си се помешала кој точно е срамотата во нашето семејство.

Да го избркаш своето дете од дома само затоа што ти кажало дека е геј е срамота и грдотија! Родителите кои се откажуваат од своите деца одат против природата!

Единствената интелигентна работа која ја слушнав од тебе во овој случај, беше тоа дека „ти не си го одгледала својот син за да биде геј“. Секако дека не си. Тој е таков роден и не го бирал сам својот пат, баш како што не може да одбере и дали ќе биде левак. Напротив, ти одбра да бидеш преполна со предрасуди и уназадена.

И така, кога веќе се откажуваме од децата, мислам дека ќе го искористам овој момент за да ти кажам збогум. Сега имам фантастична (како што често знаат да кажат гејовите) прилика да го одгледувам својот внук, и немам време за сопствената бесчувствителна ќерка.

Ако некогаш го пронајдеш своето срце, јави ни.

Твојот татко. “