3 лесни оброк салати за летните денови

Салатата може да биде совршен додаток за вечера или ручек, но често пати може и да го замени главното јадење, кога температурите се неподносливо високи, а готвењето речиси невозможно.

Овие 3 предлози за лесни и летни салати ќе ве изненадат колку брзата и вкусна храна може да биде здрава.

Салата со пилешко

Потребно е:

• 300g пилешко бело месо
• 200g кашкавал
• Зелена салата
• Млад кромид
• Неколку маслинки
• Сол, бибер, масло и оцет

Подготовка:

Белото месо исецкајте го на ситни коцки и пропржете го за да зарумени. Зелената салата исечкајте ја на ситни ленти, младиот кромид и маслинки на крукчиња, а кашкавалот на средни коцки. Сите состојки измешајте ги, полијте со оцет и зејтин и посолете по желба.

Салата со туна и пченка

Потребно  е:

• Конзерва туна
• Зелена салата
• 1 домат
• 1 краставица
• 1 главица кромид
• Пченка
• Кашкавал
• Маслиново масло
• Лимонов сок
• Сол

Подготовка:

Исецкајте го зеленчукот, а потоа додадете ја туната која претходно ќе ја исцедите од маслото. Додајте малку маслиново масло, сол, бибер, а на крајот промешајте ја пченката. Нарендајте кашкавал, а по желба може да додадете и неколку зелени маслинки.

Салата со тестенини

Потребно е:

• 300g тестенини
• 50g шунка
• 2 јаца
• 1 краставица
• Мајонез
• Домати
• Ротквици
• Бибер и сол

Подготовка:

Тестенините варете ги во солена вода, како и обично, а потоa ставете ги во длабок сад. Тврдо варените јајца исецкајте ги на коцки, а потоа постапката повторете ја и со шунката, краставицата и доматот.

Во садот додадете го мајонезот и добро промешајте. За да го избегнете тешкиот вкус, може да додадете и малку несолена павлака, а потоа украсете со тенки крукчиња ротквици.