Шума на брод?!

Homebush Bay во Сиднеј, Австралија е дом на остатоци на брод кој функционирал во средината на 20от век. Се работи за голем брод кој ја надживеал својата корисност и во неговите остатоци израснала шума.

Пред да заврши со ваква судбина овој брод тежел 1.140 тони, изграден во 1911 година како брод на пареа и подоцна бил употребен во Втората Светска Војна како транспортен брод.

Во 1972 бил донесен во овој залив за да биде демонтиран. Операцијата за демонтирање прекинала и зад себе оставила нефункционален брод. Во област што е загадена, бидејќи имало индустриска зона во минатото, навистина е пријатно да се види дека остатоците од еден обичен брод се претвориле во пловечка шума.

Од кога е израсната шумата во остатокот на бодот, ова место стана популарно за посетување и фотографирање бидејќи нуди неверојатен поглед во минатото на овој залив, како и доказ за уникатноста на природата.