Домашна канцеларија во сред природа

Работењето од дома станува сè поактуелно, па можеби затоа и растат идеите како тоа да се направи поудобно и поинтересно. Оваа преносна мини канцеларија го овозможува мирот и тишината која ви е неопходна, додека истовремено сте сведок на прекрасната природа која ве опкружува.

За прв пат е презентирана во Велика Британија и е направена така што ќе може да се вклопи во сечиј двор.

Во склоп на оваа мини канцеларија има сè што ви е потребно, па дури и многу повеќе.

Располага со огромна светлина, големи прозорци, едноставно и чисто биро, удобна столица, одлично вечерно осветлување, минимална декорација и што ли уште не.

Оваа забавна мини канцеларија може да ја поседувате исклучиво доколку одлучите дека имате да одвоите 12,000 долари. Мислите дека вреди?