Подгответе колачиња во облик на срце

Подготвени сте да го прославите Денот на заљубените? Изненадете ги вашите најсакани со мало слатко задоволство, во облик на срце.

Потребни состојки за околу 30 колачиња:

• 3 шолји сенаменско брашно
• три четвртини од лажичка прашок за печиво
• 1/4 лажичка сол
• 1 шолја путер, стопен
• 1 чаша шеќер
• 1 матено јајце
• 1 лажица млеко
• шеќер во прав, за валкање на тестото
• модли за колачи

Подготовка:

Измешајте ги брашното, прашокот за печиво и солта во голем сад. Во одделен сад миксирајте го путерот и шеќерот додека не добиете еднолична смеса. Измешајте го јајцето и млекото.

Со миксер измешајте ги сите состојки во еден сад, додека тестото не започне да се одделува од садот. Поделете го тестото на 2 дела и завиткајте го во фолија. Оставете го да отстои во фрижидер најмалку 2 часа.

Откако ќе го извадите тестото од фрижидер, загрејте ја рерната на 220 степени. Посипете шеќер на работната површина и растапкајте го тестото во него. Кога ќе забележите дека повеќе тестото не се лепи, со модли во облик на срце извадете околу 30тина парчиња.

Наредете ги во тава, на хартија за печење и печете во загреана рерна 7 до 10 минути, додека краевите на колачињата не заруменат.

За декорација користете чоколаден прелив, шарени трошки или пак рендано чоколадо.