Подгответе едноставно чоколадно задоволство

Ако сте љубител на чоколадото во сите облици и количини овој рецепт за мини чоколадни тартуфи е вистинскиот за вас.

За кратко време ќе добиете мини слатки бомбици кои се преполни со чоколадо и можете да ги модифицирате по ваш вкус.

Основниот рецепт за 10тина вакви чоколадни задоволства вклучува:

- 2 чаши стопено чоколадо за готвење
- 1 чаша хопла (слатка павлака)
- 1 лажица шеќер

По желба може да ги направите со бело чоколадо или да додадете некоја арома.

Во длабок сад се комбинираат сите состојки. Загрејте ги на тивок оган 2 до 3 минути додека не добиете лесна и мазна смеса. Внимавајте смесата да не достигне температура на зовривање, така што постојано ќе мешате.

Откако ќе добиете еднолична смеса оставете ја да отстои 10тина минути на собна температура, а потоа во фрижидер околу 1 час. Откако смесата ќе се зацврсти може да ја обликувате со модли или пак во форма на мали бомбици. Можете да ги прелиете со чоколаден прелив или пак да ги извалкате во мелени ореви, бадеми, ф’стаци ...

Откако еднаш ќе ги пробате – ќе ги правите постојано. Брзи и едноставни, а неверојатно вкусни. Уживајте!