Полуинтелектуалец

Полуинтелектуалец е човек типичен за нашево време. Тој нема завршено образование, но се има изнаслушано и изначитано доволно за да може да им парира на останатите „природно образовани“.

Во суштина, тој не знае и нема ништо, но ги застрашува другите со нешто што чул – недочул добро, или не разбрал. Кога ќе се обиде да каже нешто самостојно, одеднаш тоне во својата каша.

За него е сè просто, достапно, сè решава лесно и крајно самоуверено. Чесноста за него е непознат поим, верува во силата на лагите, интригите и пороците.

Трагично е што овие ликови секогаш сакаат да се истакнат дека знаат повеќе од оној кој го посветил целиот живот на таа област. Секогаш си мислат дека се најпаметни, а се доволно слепи за да не го увидат ова.

Најчесто воопшто не вреди да навлегувате во дискусија со овие личности, освен ако имате дебели нерви. Секако ќе излезете несфатени, а само повеќе изнервирани.

Познавате ли вакви личности?