Модерно уреден и колоритен дом во 40m2

Стан од само 40 метри квадратни може да изгледа минијатурно само во недостаток на стил и вкус за внатрешно уредување.

Заради малата површина, стилот за декорација е динамичен и со голем спектар на бои. Функционалноста е на највисоко место, па затоа е поделен на два подеднакви дела.

Во првиот дел од околу 20 метри квадратни сместени се мала дневна соба за уживање во чие продолжение се наоѓа кујна. Во еден агол од овие 20 метри квадратни се наоѓа и работно биро кое изгледа совршено за извршување на секојдневните обврски.

Вториот дел од овој стан е посветен на приватноста и интимноста. Спалната соба и бањата  се вешто одделени од останатиот дел на станот.

Вешто усогласените бои и детали само го зголемуваат уживањето во овој дом. Зарем не би посакале вака скоцкан стан, без оглед на неговата пространост?