Првата личност зачната со ин витро се родила во 1978 година – Зошто јавноста ги критикувала нејзините родители?

Раѓањето на Луис загрижило и неколку религиски фигури, како кардиналот Албино Лучиани (кој подоцна станува папата Јован Павле Први).

Имено, тој се плашел дека поради асистираното оплодување, жените ќе почнат да се користат како „фабрики за деца“ и ги предупредил лекарите да бидат внимателни со нивното ново откритие.

Сепак, јавно изјавил дека воопшто не ги осудува родителите кои само сакале да имаат дете.

Луис со родителите

Лесли и Џон добивале и многу писма од јавноста – дел со зборови за поддршка, но дел со критики, па и закани.

Британските таблоиди почнале да ја нарекуваат Луис „бебе од епрувета“, што дополнително ја поттикнувало омразата кај некои луѓе, но и ги поттикнувало да поставуваат многу прашања.

На пример, Луис открива дека нејзините соученици биле особено збунети, бидејќи не им било јасно како се одвива ин витро оплодувањето.

„Отсекогаш сум била поголем одете, па соучениците ме прашуваа како ме собрало во епруветата…“

Докторот што доби Нобелова награда за процедурата ја држи Луис во раце

На Лесли и Џон не им било сеедно што биле во центарот на вниманието, но сметале дека не треба да го кријат „чудото од дете“ од јавноста.

Напротив, ја искористиле популарноста за да го нормализираат ин витро оплодувањето.

Подоцна, како возрасна личност, и Луис почнала да го прави истото и се залага за прифаќање на ин витро оплодувањето, но и сака да стане подостапно за сите.

Луис со родителите

Од 2004 година, Луис е во брак со сопругот Весли, а имаат и две деца. За разлика од родителите, Луис немала потреба од асистирано оплодување.

Родителите на Луис се веќе починати – татко во 2006-та, а мајка ѝ во 2012 година.

Луис со син ѝ, мајка ѝ и докторот нобеловец

Изненадувачки, но Луис до денес добива критики од јавноста, особен онлајн, но вели дека ова ја мотивира да продолжи да зборува за асистираното оплодување.

„Луѓето се злобни и неинформирани и пишуваат коментари секојпат кога има новост за мене.

Но, јас само го игнорирам“.

Луис со синовите

Неодамна, беше снимен и филм за првото успешно ин витро оплодување – Joy – а Луис присуствуваше на премиерата.

Спирова С. | Црнобело