14 типови на манипулатори кои ве искористуваат без да сте свесни, низ илустрации

Свекрви манипулатори

Многу често се случува родителите на партнерот, или свекрвата да сака да манипулира со снаата, па и со сопственото дете.

Тие сметаат дека прават сè што е најдобро за нивните деца со постојано мешање, но не се ниту свесни дека на тој начин може да им го разнишаат стабилниот брак.

Го наметнуваат сопственото мислење, делат совети, солат памет…

Тие секогаш знаат што е најдобро да се направи, но за да се справите со нив, најдобро би било да им ставите до знаење дека вие сте друго семејство и дека вие сами одлучувате што треба да правите.

Манипулатори кои ве обвинуваат за сопствените грешки

За жал постојат манипулатори кои често знаат да ги обвинуваат другите за сопствените грешки.

Реагираат импулсивно, а потоа се чувствуваат виновни за последиците, но наместо себе, ги обвинуваат сите останати за нивните грешки.

На овој начин се обидуваат вината да ја префрлат на друг и да не преземат одговорност за сопственото однесување.

Неопходно е да научите да им се спротивставите на таквите манипулатори и да не се плашите од нив.

Манипулатори што ве купуваат со подароци

На сите може да ни се случи да имаме недоразбирања и конфликти, а често откако штетата во односот ќе се направи тешко е да се санира.

Постојат манипулатори што сметаат дека партнерот ќе им прости ако го опсипуваат со подароци, па така тоа станува обид за да се манипулира со вашите емоции и со чувството на благодарност.

Најдобро што можете да направите е да го одбиете подарокот и да им кажете како се чувствувате.

Манипулатори што ве убедуваат со фразата: „Подобро би било…“

Овие манипулатори често ги користат вашите морални вредности, љубов и емоции за да го контролираат вашето однесување.

Најдобро што можете да направите со ваквите манипулатори е да им возвратите во иста мера, или да најдете компромис што ќе ви одговара и вам.

Манипулатори што ве уценуваат со семејството

Овие манипулатори често знаат да ве убедат дека ви е потребно да добиете деца за да бидете среќни и да се обидат да ви ги наметнат сопствените сфаќања иако можеби вам тоа не ви се допаѓа.

Размислете прво дали и самите сте подготвени за таков чекор. Не избрзувајте со одлуки, ако не сте сигурни.

Манипулатори што постојано сакаат да ви нагласат колку се важни

Ако работите за манипулатор, често може да ви се случи да се соочувате со предизвици. Тој ќе ја користи секоја ваша задача и обврска за да ве потсети кој е главен, да ве критикува и да ве натера да се чувствувате виновни.

Секако, во таквиот однос, вие како вработени немате право на збор.

За да се заштитите себеси, секогаш е добро да му укажете на шефот кога ви дава задача што не е во ваш домен и да му се спротивставите.

Добро би било и вие еднаш да кажете: „Не сум платен за тоа …“

Манипулатори кои се возрасни деца

Честопати се случува децата да одбиваат да пораснат, па родителите да мораат да се грижат за нив, како сè уште да се деца.

Ова не носи ништо добро ниту за родителите, ниту пак за децата. Ако забележите дека детето се обидува да ве манипулира, добро би било да го натерате да се освести и да преземе одговорност за сопствениот живот.

Б. С. Б. | Црнобело