5 чести грешки што треба да ги имате предвид пред да се тетовирате

Добро размислете која големина најмногу ќе ви одговара на вашата тетоважа, а ако тату-артистот ви даде предлог за големината, вреди да го послушате бидејќи, сепак, има искуство.

Изборот за тетоважа секогаш е голема одлука, особено ако ви е првпат.

Затоа, потребно е добро да размислите за тоа каде ќе ја поставите, каков ќе биде нејзиниот дизајн и слично.

Бидејќи тетоважата е трајна, погледнете на кои грешки треба да внимавате пред да се тетовирате:

Не правите „пробна тетоважа“

Пред да почне да ве тетовира, тату-артистот секако дека ќе ја преслика тетоважата на вашето тело и ќе тетовира според таа скица.

Но, пред да започне, дајте си време убаво да ја видите скицата на телото за да се осигурите дека тетоважата ќе изгледа како што сте замислиле.

Ако нешто не ви се допаѓа, овој период имате простор да кажете да се направи промена.

Избирате погрешна големина

Понекогаш, кога тетоважата е преголема, не изгледа добро. Друга, пак, кога е премногу мала ја губи својата смисла.

Затоа, добро размислете која големина најмногу ќе ви одговара на вашата тетоважа, а ако тату-артистот ви даде предлог за големината, вреди да го послушате бидејќи сепак има искуство.

Ја правите на погрешно место од телото

Дури и ако сте го избрале најдобриот дизајн на светот, сето тоа лесно може да се уништи ако го поставите на погрешно место на вашето тело.

Нашето тело сепак не е рамно како платно и на некои делови тетоважата може да изгледа лошо.

За ова, консултирајте се со тату-артистот кој ќе ви помогне да го најдете совршеното место за дизајнот.

Ставате тетоважа со име на партнерот без размислување

Ако сте лудо вљубени, можеби ќе сакате да си ставите тетоважа со нешто што ќе ве потсетува на партнерот, можеби дури и неговото име.

Но, за жал, ова е грешка што ја прават многумина.

Ако вашата врска не трае, што ќе правите со таа тетоважа? Затоа, не избрзувајте со ваквите одлуки.

Одлучувате набрзина

Иако има многу дизајни на тетоважи кои би можеле да ви бидат интересни и привлечни, одвојте време внимателно да одлучите што ви се допаѓа.

Не донесувајте одлука и веднаш наредниот час да одите да се тетовирате, зашто сепак таа (најверојатно) ќе биде на вашето тело до крајот на животот.

Отстранувањето на тетоважите е скап и болен процес, а и опцијата за покривање со друга тетоважа е скапа и не секогаш изводлива.

М. Ѓ | Црнобело / фото: freepik.com