Во кое годишно време се родени луѓето со најлош карактер?

Дали сте храбри и издржливи, темпераментни и амбициозни или себични може да зависи од годишното време во кое сте родени. Се верува дека тоа често влијае врз карактерот на личноста.

Годишното време во кое сте родени може значително да влијае врз вашиот карактер, личност и судбина.

Постои верување дека влијанието на промената на годишните времиња се манифестира кај луѓето додека сѐ уште се во утробата, а потоа и по раѓањето. 

Како се одразува годишното време во коешто сте родени врз вашиот карактер?

Пролет

Луѓето родени напролет обично ја носат титулата најголеми оптимисти. 

Секој проблем го гледаат како можност за личен развој и напредок. 

Нивното високо ниво на оптимизам често ги води до среќа во животот. 

Исто така, се смета дека децата родени во април се најкреативни личности, често наклонети кон уметност, со голема желба за успех. 

Луѓето родени во март и април се родени лидери – често заземаат лидерски позиции и знаат како да водат тим. 

Се претпоставува и дека луѓето родени напролет се помалку склони кон развој на алергии.

Лето

Децата родени во текот на летните месеци исто така имаат високо ниво на оптимизам, но се значително поамбициозни од оние родени напролет. 

Сепак, тие можат да бидат склони кон ненадејни промени во расположението и себичност. 

Нивната интуиција е поизразена.

Функционираат како да имаат „внатрешен часовник“, што значи дека нивните тела подобро го сигнализираат времето за будење, јадење и спиење и лесно се адаптираат на промените на времето и температурата. 

Родените налето обично се темпераментни и секогаш подготвени за забава, лесно воспоставуваат контакти и сакаат дружење. 

Тие, исто така, често се мотивирани да постигнат успех и на училиште, и на работа. 

Сепак, се претпоставува дека кај нив е зголемен ризикот од појава на проблеми со видот и алергија на глутен.

Есен

Луѓето родени во есен често осцилираат помеѓу целосна рамнодушност и перфекционизам. 

Овој период од годината често се смета за сив и мрачен, но се претпоставува дека овие личности се најмалку склони кон депресија. 

Тие имаат силни когнитивни способности и често се најуспешни на училиште. 

Издржливи се и силни, но се изложени на поголем ризик од астма и алергии на одредени видови храна.

Интересно е што постаро истражување спроведено на милион луѓе во Данска и Австрија покажало дека луѓето родени меѓу октомври и декември живеат најдолго.

Зима

Луѓето родени на зима често покажуваат креативност и генијалност уште од детството. 

Тие имаат тенденција да работат како тим, особено бебињата родени во јануари. 

Обично се автентични и се издвојуваат по нешто. Зимските деца се сметаат за најљубезни и обично весели по природа. 

Сепак, истражување на Универзитетот во Кардиф покажало дека тие имаат зголемен ризик од нагло зголемување на хормонот на стрес, кортизол, и затоа се сметаат за најранлива група во однос на менталното здравје.

Секако, не ги земајте „здраво за готово“ овие информации, бидејќи карактерот и личноста се сложени и обликувани од различни фактори, вклучувајќи ги генетиката, околината и личното искуство.

С. Ш. | Црнобело / фото: freepik.com