5 предлог филмови за овој викенд
Ако сте љубител на биографски филмови, ве интересира историја или пак интересни инспиративни приказни ви предлагаме да ги погледнете...
... овие 5 филмови. Поради конкуренцијата од порекламирани, покомерцијални филмови овие пет останале незабележани од публиката, но во себе имаат скриена убавина.
Викторија е една од највлијателните кралици во историјата.
Овој биографски филм раскажува за нејзиното придушено детство, крунисувањето на 18 години, проблемите на тронот и нејзината романса со Принц Алберт.
Можете да очекувате се што обично има во ваквите историски филмови, прекрасна сценографија, богати костуми, интересни дијалози.
Интересно е да се напомене дека филмот се движи многу блиску до вистинските случувања.
Централното дејство сепак би било романсата со Принц Алберт од Белгија, кој и е прв братучед, и е испратен на задача да ја заведе младата Викторија, како би се зацврстиле односите меѓу двете држави.
Но, вистината е дека Алберт вистински ќе се заљуби. Останува на Викторија дали ќе верува во неговите чувства.
Режија: Жан-Марк Вале
Улоги: Емили Блант (Викторија), Руперт Фриенд (Алберт)
Филм за Иан Куртис, мистериозниот пеајч на Joy Division, кој го смени текот на модерната музика, но не доживеа да ја сведочи промената што ја донесе неговото животно дело.
Дејствието е во 70тите години кога пост панк бранот почна да се шири низ Англија.
Како предвесници на ова движење се формираше бендот наречен Warsaw, кој подоцна се преименува во Јоy Division.
Филмот ги опишува нивните скромни почетоци и снимањето на албумот Unknown Pleasures, кој ќе остане запаметен во музичката индустрија како ремек дело.
Но, и покрај успесите со бендот, менталното и физичкото здравје на Куртис се распаѓа поради постојаната борба со епилепсија и љубовната афера.
Растргнат меѓу двете жени што ги љуби, тој се самоубива.
Филмот ни ги носи песните на Joy Division прекрасно распределени низ филмот, и преку нив можеме да ја следиме емотивната состојба на оваа музична икона.
Режија: Антон Корбјин
Улоги: Сем Рајли (Иан Куртис) Саманта Мортон (сопругата на Иан)
Алфред Кинси е професор кој покажува особен интерест областа на човечкото однесување, особено делот за човечката сексуалност.
Во време кога тоа било табу тема, Кинси прави истражување низ цела Америка за да ја открие вистината за сексуалните практики во денешницата.
Неговите книги биле скандалозни, но и најпродавани.
Тој е меѓу првите научници во тоа поле, и контроверзноста на неговите истражувања ја заплашила јавноста, (тој отворено зборува за предбрачен секс, хомосексуалност, самозадоволување, сексуални фетиши и сл).
Вреди да се погледне ако ве интересираат контроверзни теми.
Режија: Бил Кондон
Улоги: Лиам Нисон (Кинси), Лаура Лини (Клара, сопругата на Кинси)
Дневникот на моторџијата е биографски филм кој ја следи младоста на Ернесто Че Гевара.
Тој како 23 годишен студент по медицина во 1952 година, заедно со неговиот пријател Алберто Гранадо патуваат низ Јужна Америка на мотор.
Во текот на патувањето тие водат дневник и според тие записи е снимен филмот.
Овој квази документарец и сниман на идентичните локации и многу од статистите се вистински луѓе, а не глумци.
Како што го започнуваат патувањето, младите момци созреваат и нивните погледи кон светот се прошируваат се повеќе и повеќе.
Овој е прекрасен биографски филм кој ни кажува како Че Гевара станал иконата што е денес, но не очекувајте планови за револуција или политика. Овој филм само ги пренесува околностите во Јужна Америка во тоа лето и созревањето на Че Гевара.
Режија: Валтер Салес
Улоги: Гаел Гарсија Бернал (Ернесто Че Гевара), Родриго Де ла Серна ( Алберто Гранадо)
Овој филм се издвојува од било кој биографски филм што досега е направен.
Филмот започнува бавно, но тоа значи дека ви остава повеќе време да уживате во природните убавини на Америка. Крис се чуствува притиснат од светот во кој живее, како врвен студент и атлетичар, од него се очекуваат многу работи, но тоа не го прави среќен.
Секој човек во некој период од својот живот чувстува потреба да избега од сè, да ги напушти сите и да не се врати. Крис го прави точно тоа за кое ние само може да сонуваме, решава да го живее животот како што тој сака.
Но, дали тоа е правилната одлука? Преку пејсажите на Аризона, Калифорнија, Мексико и Алјаска, ние гледаме како Крис созрева и се менува, како луѓето на патот го менуваат и како тој ги менува нивните животи.
Филмот ќе ве растажи, и ќе ви се вреже во меморија.
Режија: Шон Пен
Улоги: Емил Хиршт (Крис)
Подготвил: И.Т.
Би можело да ве интересира:
Препорачуваме
Најчитани неделава
