Вирален статус на Македонец: Хамбургер на времето (сендвич со плескавица) vs. хамбургер денес (со месо од крави кои слушале Бетовен и Бах)

Хамбургер некогаш - лепче, плескавица од сомнително потекло, зелка неизмиена и кечап или мајонез од туба од 5 литри. Хамбургер денес - леб правен од безглутенско брашно мелено од девици, наросен со чија семиња, семиња од тиква за подобра работа на желудник, лупен сончоглед, сусам печен во маслиново масло и месо од крави кои слушале Бетовен, Бах и Моцарт и можат да завршат средно музичко училиште.

Божидар Божиновски е познат по шеговитите Фејсбук статуси, во кои често на хумористичен начин доловува реални ситуации.

Сега, тој посвети објава на тоа како изгледаа хамбургерите некогаш, а како денес. И се пошегува и на сметка на нивните вртоглаво високи цени.

Неговиот статус, кој стана вирален на Фејсбук:

Хамбургер на времето:

- Не се вика хамбургер туку сендвич. Врвеше и ко сенвич.

- Лепче

- Плескавица од сомнително потекло

- Зелка неизмиена

- Помфрит

- Кечап или мајонез од туба од 5 литри

Пакован во бела хартија на која пиши hamburger, hot dog, toast.

- Цена: 40-60 денари

Чепкалка - опционално, ако добиеш пластично вилувче топ

Хамбургер сега:

- Леб правен од безглутенско брашно мелено од девици, наросен со чија семиња, семиња од тиква за подобра работа на желудник, лупен сончоглед, сусам печен во маслиново масло

- Месо од крави кои слушале Бетовен, Бах и Моцарт и можат да завршат средно музичко

- Органски домат

- Органска краставица

- Органски краставички

- Парче кашкавал од крави молзени од модели на Викторија Сикрет и Мис Боливија 1996-та

- Друго парче плескавица од крави кои слушале само олд скул хипхоп зачинето со парчиња од сланина

- Премаз од четири е*ени сирења оти петтото не го пуштаа од дома

- Печурки од падините на Хималаите

- Сперма од морско коњче во пубертет

- Авокадо

- Уште едно лепче само без семе од тиква да не ви работи предобро желудникот

Паковање: Црна кутија со златни букви од екофрендли фирма која сади дрва за секое исечено и употребено за хартија

- Цена: Од 250 до колку стан во Пехчево

Додатоци:

- Пармезан
- Моцарела
- Сос од батак од еднорог
- Сос од карабатак од еднорог
- Помфрит со цена од 50 до гарсоњера во Делчево

Се служи со забоден нож во него и не можеш да го јадеш оти е голем колку неухрането прваче

https://www.facebook.com/mojokilington/posts/10228224546388160

С. С. | Црнобело / фото: depositphotos.com