Пица со македонско знаме во Џенова - Нашиот тенор Благој Нацоски однесе домашен ајвар во италијанска пицерија

„Дали знаете што е ајвар? Тоа е типичен македонски производ, смеса од пиперки“ – стои во описот на фотката од италијанската пицерија која направи пица со налик форма на македонско знаме од компири и ајвар, донесен од Скопје, благодарение на Благој.

Замислете да живеете во Италија и да имате можност да јадете пица по оригинален рецепт, а во неа да има и додаток – македонски ајвар.

Нашиот оперски пејач (тенор), Благој Нацоски, кој живее и работи во Италија, однел симболичен подарок во италијанска пицерија – тегла македонски ајвар.

Пица мајсторите успеале да направат наполитанска пица со македонски ајвар, а во описот на Инстаграм пишува:

„Дали знаете што е ајвар? Тоа е типичен македонски производ, смеса од пиперки и малку модри домати – може да биде благ и лут. Со компири и ајвар го направивме македонското знаме на пица. Благодариме на македонскиот амбасадор за култура, Благој Нацоски, што ми донесе тегла ајвар директно од Скопје.“

https://www.instagram.com/p/CH3dUMJlOij/

Инаку, неодамна Благој беше во посета на својата родна земја и настапуваше на јубилејниот концерт на оркестарот „Скопски Солисти“. 

М. М. | Црнобело