10 неверојатни факти за зелените очи - тие се едни од најретките во светот, а луѓето со вакви очи се лојални пријатели

Зелените очи ги пленуваат луѓето со векови. Од длабинските научни истражувања и Шекспировиот „Отело“ до разните митови и суеверија, не можеме а да не ѝ позавидиме на оваа ретка и волшебна боја на очи.

Во светот најмногу преовладуваат луѓе со кафена боја на очи, оние со сина се поретки, додека пак луѓето со зелени очи неретко се нарекувани бисери - многу посакувани, но сè помалку присутни. 

Зелените очи се одредени од низа фактори кои науката сè уште се обидува да ги разбере.

Во продолжение решивме да ја истражиме генетиката на зелените очи, па така за вас издвоивме неколку неверојатни факти за една од најретките бои на очи во светот:

Ако имате природно зелени очи, сепак не сте родени со нив. Бебињата се раѓаат со кафени или сини очи, од кои втората опција е поретка.

Бебињата обично почнуваат да ја добиваат зелената боја во текот на првите 6 месеци од животот, иако бојата на очите може да почне да потемнува уште на 3-месечна возраст или пак да задоцни цели 3 години или повеќе. Потоа, бојата на очите станува прилично конзистентна.

Се смета дека жените имаат тенденција да имаат повеќе зелени очи, додека мажите имаат поголема веројатност да имаат сини.

Покрај светло-кафената пигментација на меланин, зелените очи изгледаат зелено благодарение на жолтеникавиот пигмент познат како липохром.

Светлината, големината на зениците и контрастните бои во околината исто така можат да влијаат на нашата перцепција за очите на една личност.

Како сините, така и зелените очи се генетска мутација. Бојата на очите била присутна кај светската популација уште во бронзено доба.

Само 2% од светската популација има зелени очи. Таа е најретката боја на очи во светот, втора веднаш по виолетовите или црвените очи (предизвикани од албинизам) и хетерохромијата (две различни бои на очите), од кои последната може да е вродена или предизвикана од здравствени состојби.

Зелените очи се најчести кај европските популации, имено во Северна, Западна и Централна Европа.

Исланд има една од највисоките концентрации на сини и зелени очи во светот, при што 89% од жените и 87% од мажите имаат една од двете бои. Скандинавските земји Норвешка, Шведска и Данска исто така пријавуваат високи стапки на зелени очи. Зелените и сините очи се исто така вообичаени во Финска, при што 85% од нејзината популација има посветли очи.

Различни примати како што се лемурите и макаките имаат зелени очи. Зелените очи се исто така вообичаени меѓу влекачите, имено змиите, алигаторите, крокодилите и гуштерите, како и многуте различни видови на птици. 

Зелените очи се исто така прилично чести кај домашните мачки и тие се особено познати по своите продорни, зелени „џамлии“. Покрај тоа, црната мачка со зелени очи се одликува со култност и на широко била позната како вештерка.

Познати женски личности со зелени очи се Ријана, Скарлет Јохансон, Џиџи Хадид, Кејт Мидлтон, Ема Стоун, Адел и Шарлиз Терон.

Луѓето со зелени очи се сметаат за одлично друштво. Тие често се опишани како дружељубиви, интелигентни и лојални пријатели. Исто така, тие се сметаат за многу привлечни, а впечатливите зелени очи го додаваат нивниот природен шарм и убавина.

Мила М. | Црнобело/ фото: freepik.com