Сопругата го изневерувала, а треба да ѝ плати 728 милиони долари по разводот, има 30 деца: Факти за владетелот на Дубаи

Премиерот на Дубаи Мухамед Ал Мактум (72), имал шест жени, од кои една му е прва братучетка, и се верува дека имал околу 30 деца. Најнова вест е дека по разводот со најмладата од шесте жени принцезата Хаја бинт ал Хусеин, тој треба да ѝ исплати над 728 милиони долари.

По разводот со принцезата Хаја Бинт ал-Хусеин (47), шеикот Мухамед бин Рашид ал-Мактум (72) доби наредба од судот да ѝ исплати над 728 милиони долари и се вели дека ова е една од најскапите брако-разводни парници во историјата.

Со овие пари принцезата ќе треба да ги покрие сопствените трошоци до крајот на животот, но и сите трошоци за нивните две деца (7 и 14 години), а во следните три месеци треба да ѝ префрли 333 милиони долари.

Исто така, овој договор не е фиксен, што значи дека шеикот ќе треба годишно да им плаќа на неговите деца доживотно или сè додека не биде донесена поинаква судска одлука. Нивниот развод беше проследен со низа скандали.

Во продолжение проследете уште неколку интересни факти за шеикот Мухамед Ал Мактум:

Шеикот за првпат се оженил во 1979 година за неговата прва братучетка и првата дама на Дубаи Шеика Хинд бинт Мактум Јума Ал Мактум, која тогаш имала 17 години и била 13 години помлада од него.

Првата сопруга е мајка на 12 деца на шеикот, а меѓу нив е и Хамдан бин Мухамед ал Мактум, наследникот, кој бил роден во 1982 година.

Шеикот исто така се оженил и за две жени од Либан: Шеика Ранда бин Мохамед ал-Бана и Шеика Делиа Алула, но тие не се забележани во јавноста.

Освен нив, тој е оженет и со Зое Григоријакос која по потекло е од Грција, со која има една ќерка и е во брак со уште една непозната жена.

Се претпоставува дека шеикот со сите сопруги има околу 30 деца. Останатите пет негови сопруги најчесто се кријат подалеку од очите на јавноста, освен последната: јорданската принцеза Хаја Бинт ал-Хусеин, која е 25 години помлада од шеикот.

Во 2019-та година принцезата Хаја, заедно со нивните две деца побегнала од Дубаи во Велика Британија, каде побарала политички азил и каде се водеше бракоразводната парница.

Две од ќерките на шеикот, Шамза и Латифа се обиделе да побегнат од Дубаи во Велика Британија, но тој насилно ги вратил дома. Судот во Велика Британија во 2020-та година пресуди дека тој ги киднапирал сопствените ќерки и на сила ги вратил во Дубаи.

За време на сослушувањата, поранешната сопруга на шеикот, јорданската принцеза била испрашувана за случаите кога таа исплатила 6.7 милиони британски фунти за четири непознати членови на нејзиното обезбедување.

Тие се заканувале дека ќе ја разоткријат аферата што таа ја имала со еден од телохранителите.

„Бев мошне уплашена, а тие пари беа достапни на сметката на децата“ – рече Хаја.

Освен по големиот број жени, шеикот од Дубаи е познат и по тоа што е голем обожавател и поддржувач на трките со коњи, па во минатото често се пишувало за милионските суми пари што ги исплаќал за нови коњи.

Б. С. Б. | Црнобело