Сака да провоцира, направи фотосесија со труднички стомак – факти за контроверзниот Lil Nas X

Lil Nas X е музичарот што ја разбранува јавноста со фотосесијата со која го најави неговиот деби албум Montero.

На фотосесијата, 22-годишниот рапер има трудничко стомаче, а фотките предизвикаа лавина негативни коментари. Но, по сè изгледа тоа и му била целта на младиот музичар:

„Ништо не ме прави посреќен од тоа да ги терам луѓето што ме мразат, да ме мразат уште повеќе. Тоа е причината што дишам, причината што постојам“, се огласи раперот на Твитер.

Најинтересно за него е што тој успеа да се пробие во светот на музиката потполно сам, користејќи ја моќта на социјалните мрежи и нивното влијание.

Но која е ова млада контроверзна ѕвезда која се чини дека се прослави преку ноќ:

Вистинското име на раперот е Монтеро Ламар Хил, роден е на 9-ти април 1999 година и потекнува во Џорџија, САД. Неговите родители се развеле кога имал само 6 години. Раперот има двајца браќа, како и тројца полу-браќа и три полу-сестри.

Раперот почнал да ја изучува музиката во основно, кога научил да свири труба. Веднаш се истакнал со талентот, па станал еден од водечките инструменти во училишниот оркестар.

Lil Nas X се запишал на факултет, но набрзо се откажал, бидејќи сакал да се фокусира на музиката. Тој период работел во забавен парк, а паралелно пишувал песни.

Раперот им стана познат на младите уште во 2018 година, благодарение на ТикТок. Тој ја искористи платформата за да ја промовира неговата песна Old Town Road, а направи и ТикТок предизвик со неа кој веднаш стана вирален. Набрзо потоа песната се најде на светските топ-листи, со што почна музичката кариера на Lil Nas X.

Во 2019 година раперот сподели дека е хомосексуалец, и тоа преку неговата песна c7osure. Истата година, Lil Nas X стана дел од листата на TIME за 25-те највлијателни луѓе на интернет.

Продолжува на следната страница...