Приказни за дарежливоста на Киану Ривс - Како славниот актер ги троши парите?

Киану Ривс е холивудски актер што е познат по тоа што живее мошне скромен живот. За него се знае дека користи јавен превоз и не сака премногу да се експонира во јавност.

Богатството на Киану Ривс (56) се проценува на околу 400 милиони долари, а се знае дека тој е мошне скромен. Две децении е постојано исто облечен, често се вози во јавен превоз, па сосема логично се поставува прашањето: На што ги троши парите?

Кога ќе се погледнат податоците што се достапни се чини дека за секое едно нешто што ќе го купи и ќе го направи за себеси, Киану, троши двојно повеќе во добротворни цели.

50 милиони долари за непознатите херои во Матрикс

Една од причините зошто тој е толку обожаван меѓу публиката, а и соработниците зад сцената е тоа што е мошне дарежлив. Тој секогаш се обидува да направи добро за другите – па така зема голем хонорар за филмот „Матрикс“, а од него им даде покачување на сите сценски работници на филмот.

„Харли“ за каскадерите

Со цел да им се заблагодари на тимот каскадери што „работеле деноноќно“ со него на филмот Матрикс, тој направил уште едно несекојдневно дело: На целиот тим му купил моторцикли „Харли-Дејвидсон“.

„Сите бевме заедно во ова и сите заедно трениравме претходно. Само сакав... Да им дадам едно поголемо благодарам на сите момци што ми помогнаа да одиграм во, ми се чини, една од најголемите сцени со борби во историјата на филмот“ – рече тој.

Сака „Порше“

Иако воопшто не е чудно да го видите во јавниот превоз, сепак Киану има богат паркинг плац за кој сите ние би можеле да сонуваме. Тој е голем љубител на автомобилите „Порше“, особено на моделот 911 Carrera.

„Уживам во тоа што автомобилот ми дозволува да бидам брз и ефикасен. Имам посебна поврзаност со него“ – рече тој во една пригода.

Куќа од 8 милиони долари

Соседи на Киану Ривс се Келвин Клајн и Леонардо ди Каприо. Се проценува дека неговата куќа во Холивуд чини 8 милиони долари. Куќата има само две спални соби и 3 бањи.

Сепак има базен, гаража за три автомобили и голем двор.

Викендици

Ривс за себе купил две куќи покрај плажа: една на Хаваи и една во Малибу. Куќата во Хаваи се проценува дека вреди 6 милиони долари, а има 6 спални соби, 8 бањи и базен со поглед на градот.

Продолжува на следната страна...