Во минатото се облекувала ужасно, во јавност не се насмевнала од '98 година – факти за модната кралица Викторија Бекам

Родена како Викторија Адамс на 17 април – 1974 година, славата ја претвори во Пош Спајс a брачниот живот го трансформираше нејзиното име во Викторија Бекам.

Култната кралица на модата својата кариера ја започна како член на познатата женска група Spice Girls, за по нејзиното распаѓање да изгради своја модна империја.

И секако, да не заборавиме на нејзината љубовна приказна од бајките, крунисана со брак кој трае речиси 22 години, чиј плод на љубовта на Дејвид и Викторија се прекрасните Бруклин, Ромео, Круз и Харпер Бекам.

Во продолжение за вас ги издвоивме најинтересните, несекојдневни факти за прекрасната Викторија Бекам:

1. Нејзиното средно име е Каролин, а прекарот „Пош“ го добила во средно училиште кога татко ѝ ја носел на часови во Ролс Ројс.

Имено, Викторија мрази да ја нарекуваат Вики, а сака да ја викаат Пош.

2. Сè започнало со филмот Fame, кога осумгодишната Викторија изјавила дека сака да биде како Коко, актерката во филмот која совршено танцува, изгледа и пее.

3. Музичките почетоци на Викторија биле во групата Persuasion, која броела три члена, двајца момци и Викторија.

Тие настапувале во клубови, а највпечатлива им била песната Be The One.

4. Во младоста, Викторија менувала повеќе работни места. Таа била промотор за Daily Mirror, работела во парфимерија и се грижела за нејзината сестра.

5. Верувале или не, Викторија била „буцка“. Иако сега е екстремно слаба, како тинејџерка таа била една од пополничките девојки.

Имено, таа се борела со здравствен проблем, односно хормонални нарушувања од кои подоцна се ослободила.

6. Пред идиличната приказна со Дејвид, Викторија била „неуспешно“ верена со Марк Вуд.

7. Викторија се облекувала „ужасно“. Кој би рекол дека сегашната модна икона порано се облекувала благоречено катастрофално.

Таа се нашла дури и на списокот на најлошо облечени жени во 2007 година.

8. Кумови на нејзините деца се Елтон Џон, Елизабет Харли и Ева Лонгорија.

9. Викторија на своето тело има 2 тетоважи посветени на нејзиниот сопруг, единствениот Дејвид Бекам.

10. Викторија последен пат се насмевнала во јавноста кога таа и Дејвид ја објавија нивната свршувачка, односно во 1998 година. Сепак, во последно време ова се менува и многу почесто можеме да ја видиме благо насмеана. 

11. Tаа е вегетаријанец кој се обидел да стане веган, но во главно сега консумира зеленчук и риба.

12. Во 2008 година Викторија се појавила на 3 насловни страници на магазинот Vogue (британски, индиски и руски)

13.  Нејзините родители се сè уште лудо заљубени.

„Моите родители се заедно со години и години. Тие се многу среќни. Сè уште седат пред ТВ и се држат за рака, што е навистина слатко. Тие отсекогаш биле одлични родители“.

14. Викторија и Дејвид Бекам важат за еден од најистакнатите љубовни парови ширум светот, чиј пример за љубов неретко е обелоденет и од страна на нивните колеги.

Мила М. | Црнобело