Мозокот не може да чувствува болка – неколку факти за човечкото тело кои ќе ве изненадат

Само еден поглед околу себе е доволен да сфатиме дека светот навистина изобилува со чуда.

Човечкото тело е една од најкомплицираните и најфасцинантните живи форми на планетата Земја.

Секоја секунда во нашето тело се случуваат повеќе од милион внатрешни процеси, всушност одговорни за непрекинатото дејствување – одржувањето на нашето здравје.

Во продолжение за вас издвоивме неколку неверојатни факти за човековата „машинерија“, а дел од нив сигурно ќе ве остават без зборови:

Ноктите на рацете растат побрзо од ноктите на нозете

Растот на ноктите варира во зависност од возраста, полот, здравјето и генетиката.

Всушност, ноктите на рацете растат побрзо од ноктите на нозете, затоа што нашите раце се физички поблиску до нашето срце. Исто така, тие се делумно поснабдени со кислород и хранливи материи, транспортирани низ малите капилари, лоцирани веднаш под нашите нокти.

Без оглед на стапката на раст, ноктите на рацете и нозете го имаат истиот механизам за раст, составен главно од кератин, супстанца која исто така се наоѓа во кожата и косата, како и во роговите и копитата на животните.

Децата имаат повеќе коски во нивните тела, отколку возрасните

Коските се спојуваат во текот на човечкиот раст, а како резултат на тоа, скелетот на возрасниот човек има 206 коски, со различни форми и големини.

На пример, се смета дека во черепот на бебето има пет коски, кои потоа се вклопуваат заедно и стануваат една.

Огромното мнозинство на коски ќе се обедини само по завршувањето на фазата на раст.

Бедрената коска е најсилната коска во човечкото тело. И покрај тоа што е шуплива, таа е екстремно издржлива, додека пак најмалата коска во човечкото тело е една од трите коски коишто ги имаме во ушите.

Мозокот не може да чувствува болка

Мозокот не поседува сензори за болка, директно прикачени за него, но постојат сензори во мембраните и кожата кои ги покриваат черепот и мозокот. 

Болките коишто ги чувствуваме кога ќе се удриме, или пак при обична главоболка, ги зафаќаат токму овие сензори. Механизмот на производство на болка во телото работи преку ноцицептори, нервни завршетоци кои се рецептори на кожата, зглобовите и некои внатрешни органи.

Неговата функција е да открие физички, хемиски или термички варијации што можат да ги уништат нашите ткива.

Главоболката поврзана со мамурлак обично е резултат на дехидрираност, предизвикана од консумација на алкохол. Поради етанолот во алкохолот, крвните садови во главата се прошируваат и се стимулираат одредени нервни завршетоци, а резултатот е главоболка.

Нашето срце во просек чука 100.000 пати на ден

Срцето на возрасно лице чука од 60 до 100 пати во минута. На дневно ниво обележува околу 100 илјади, а на годишно околу 35 милиони отчукувања.

Срцето на 70-годишен човек бележи околу 2,5 милијарди срцебиења, а кај децата, оваа бројка е уште поголема.

Срцето има свој електричен систем, кој му овозможува на органот да функционира надвор од телото, сè додека истото е соодветно снабдено со кислород. Овој мускулен орган е толку силен, што неговите контракции имаат доволно притисок да испрскаат крв на растојание од речиси 10 метри.

Човечкото око може да разликува над 10 милиони различни бои

Oчната мрежница поседува 120 милиони клетки специјализирани за откривање на бои и интензитети на светлина. 

Сепак, постои таканаречениот далтонизам или „бојно слепило“, односно вид на болест во која лицето има потешкотии да гледа бои, а најчести се црвената или зелената боја.

Во вашата уста постојат речиси ист број бактерии колку што има луѓе на планетата Земја

Околу 6 милијарди бактерии живеат во устата на секое човечко суштество!

Овие микроорганизми живеат на добро организиран начин и не сите се штетни за вашето здравје. Всушност, некои од нив дури се неопходни за одржување на доброто здравје. 

Неминовно заслужува да се спомене и улогата на бактериите во околината: тие се исклучително важни за рециклирањето на органски материи, односно бактериите, заедно со габите, го спроведуваат процесот на распаѓање со трансформација на мртва органска материја и враќање назад во почвата во форма на неорганска материја.

Мила М. | Црнобело