Протестот нема да е осуден на пропаст доколку жените се здружени – најдобрите цитати на Клара Цеткин

Пријателите и колегите ја нарекувале „Дивата Клара“ поради нејзината непомирлива природа, директноста и способноста да ги преземе најнеочекуваните акции. 

Ваквите жени вреди да се споменат не само на 8-ми Март, туку и во сосема обичен ден. Колку да се потсетиме до каде стигнавме.

Прочитајте ги најдобрите цитати на една од главните креатори на женското движење и основач на Меѓународниот ден на жената, Клара Цеткин.

За независноста:

Оние коишто не може да се движат, не ги забележуваат нивните синџири.

За одлучноста:

Кога мажите молчат, нашата должност е да го кренеме гласот во одбрана на сопствените идеали.

За скромноста:

Трудот на жената, особено привлечен за капиталистите, беше создаден не само поради ниските плати, туку и поради покорноста на жените.

За сиромаштијата:

Жените коишто работат не се единствените кои страдаат поради ниските плати. И мажите работници страдаат од овие причини.

За времето:

Има толку многу работи што може да се направат на земјата, направете ги поскоро.

За војната:

Во интерес на сопствениот профит, тие разгореа омраза помеѓу луѓето, а ова придонесе за избувнување на војната.

За хуманоста:

Кога мажите убиваат, ние жените мора да се бориме за да го продолжиме животот.

За здружувањето:

Во одредени сектори каде што трудот на жените игра важна улога, секое движење за повисоки плати, помалку работни часови, итн. нема да е осудено на пропаст, доколку жените се здружени.

За борбата:

Сите мора да се бориме и да работиме неуморно додека фашизмот кој носи крваво угнетување, терор, глад и војна, не биде целосно поразен и уништен.

(О)Милена | Црнобело