Животни лекции што треба да ги научите од филмот „Појадок кај Тифани“

Култната филмска класика со најшармантната Одри Хепберн, не само што ќе ве освои со својата глума и ситуациите во кои се наоѓа, туку ќе ве поучи и на некои вистински вредни работи во животот кои вреди да ги знаете.

Нејзините реплики се повторуваат и до денес, а добро е секогаш да се потсетувате ако сакате да бидете вистински среќни и почитувани.

1. Никој не мора да знае дека имате лош ден

Те мрзи да ја измиеш косата? Тоа не мора сите да го знаат, а постојат толку многу начин како да го прекриеш. Дури и ако не ти оди нешто според планираното, не се жали. Само одглуми како сè да е во ред.

2. Најдете некој што ќе ве сака такви какви што сте

Не само еден дел од тебе, туку целосно. Со сите маани и доблести. Вие заслужувате некој што ќе ве сака комплетно и најсилно. Оној кој нема да избега кога ви е најтешко и кој знае да се справи со вас дури и кога сте најлоши, тој е вистинскиот. Можеби тоа не го забележуваш, но вистинската личност е секогаш тука некаде.

3. Милениците никогаш нема да те изневерат

Дури и кога сте сами, напуштени, без пари, тие пак ќе ве сакаат. На крајот на работниот ден тие се оние кои ќе ви ја измамат насмевката на лицето додека ви се чини дека сите се откажале.

4. Секоја девојка мора да го има малото црно фустанче

Тоа е фустанчето кое одговара во секоја прилика. Доволно е елегантно и доволно е секси. Задолжително парче облека.

5. Парите не се сè

Среќата дефинитивно не зависи од парите. На крајот на денот, покрај миленичињата најважно е кога ќе дојдете дома да најдете некој кој ве сака искрено и кој вие го сакате без оглед дали имате доволно пари или не.