102-годишна тату артистка одржува во живот древна традиција за тетовирање

Ванг-Од Угеј, или Марија Угеј е 102-годишна тату артистка од Филипините. Но, нејзината возраст не е единственото нешто што ќе ве фасцинира. Марија одржува во живот древна традиција за тетовирање позната како mambabatok.

Луѓето од целиот свет доаѓаат кај неа, но овој подвиг не е мал. За да стигнете до областа Калинга, каде што се наоѓа Марија, треба да возите 15 часа северно од Манила до планинското село Бускалан. Селото, пак, е достапно само пеш, и тоа преку шума и полиња со ориз.

https://www.instagram.com/p/BnE_45pHaeJ/?utm_source=ig_embed

Секое утро Марија подготвува мешавина од мастило од вода и саѓи од бор. Таа прави по неколку тетоважи дневно користејќи игла од дрво од помело, стапче од бамбус, јаглен и вода. Рачно направеното мастило се нанесува под кожата со помош на дрвената игла и бамбусот.

Секоја тетоважа си има различен мотив – од линии и едноставни форми, до племенски дезени и животни. Покрај тоа, секоја тетоважа има и свое значење како сила, убавина или плодност.

View this post on Instagram

A post shared by Rajayana (@missrajayana)

Овој начин на тетовирање потекнува од домородните воини. За нив тетоважата имала важно значење и можеле да се тетовираат само откако ќе убијат некого. За жените, од друга страна, тетоважите биле како знак на убавина.

Марија изјавила дека во нејзината младост, таа и нејзините пријатели си ги тетовирале рацете и нозете, а тогаш научила и самата да тетовира. На 15-годишна возраст, со помош на нејзиниот татко, започнала посериозно да го изучува занаетот. Ова е необично бидејќи дотогаш, само мажите имале дозвола да научат да тетовираат.

https://www.instagram.com/p/BWB9PO5F1Rn/?utm_source=ig_embed

Одржувањето на оваа традиција е навистина голем предизвик. Тамошните луѓе веруваат дека оваа уметност може да се пренесе само од еден член на семејството на друг, бидејќи во спротивно тетоважата би се инфицирала.

За жал, Марија нема свои деца на кои би им го пренела знаењето, но не ѝ било страв дека традицијата ќе исчезне. Таа сепак има неколку роднини на кои им ја открила тајната на нејзината техника.

• 
• 
• 
• 
• 
• 
• 
• 
• 
• 
• 
•  

Спирова С. | Црнобело