Љубовен хороскоп за јули 2019: Раковите спонтано ќе влезат во врска, Рибите ќе се смират со бившите

Што ќе ви донесе месец јули на поле љубов – летни авантури, емотивна стабилност или раскинување?

Што може да очекува секој хороскопски знак од седмиот месец во годината?

Овен

Ако сте во врска:

Почетокот на јули ќе ви донесе нови возбуди и ќе го направи вашиот живот подинамичен од вообичаено. Може да добиете интересни понуди и идеи за заеднички живот. Ќе внесете нешто ново во врската, што ќе резултира со радост и свежина по подолг период на монотонија.

Втората половина од месецот сепак ќе ви донесе мали незадоволства, бидејќи работата и разните обврски ќе ви го одземаат времето кое сакате да го посветите на партнерот. Сепак, месецот ќе заврши со кратко патување.

Ако сте слободни:

Во јули, во вас ќе се разбуди желбата конечно да се смирите и да најдете лице за сериозна врска. Ќе запознаете личност која ќе делува идеална за тоа, ќе ви биде релативно лесно да го привлечете вниманието и кон средината на месецот ќе започнете врска.

За жал, многу брзо ќе дојдат до израз спротивностите кои ги имате со таа личност. Ќе ги надминете силните страсти кои ги чувствувавте на почетокот, па авантурата брзо ќе заврши. Не се разочарувајте, ќе имате други шанси.

Бик

Ако сте во врска:

Почетокот на месецот ќе донесе мали немири во односите. Вашето отсуство, психичко и физичко, ќе биде причина зошто ќе се соочите со конфликти со саканата личност. Ако сте подготвени да се прилагодите и да промените некои навики, ќе најдете заеднички јазик. Повеќе разговарајте.

Втората половина од месецот ќе ви го појача незадоволството и главно ќе ви биде потребен компромис за да успеете да останете заедно. Дури кон крајот на месецот и двајцата ќе откриете што е неопходно за врската да биде повторно среќна и хармонична.

Ако сте слободни:

Ќе чувствувате дека ви треба повеќе време сами со себе и полека ќе се оддалечувате од луѓето кои не ви носат мир и немате заеднички теми за разговор. Кон средината на јули на забава ќе запознаете лице кое ќе ви се допадне. Низ разговор ќе сфатите дека ве привлекуваат исти работи.

Настапот, изгледот и начинот на комуникација на лицето ќе ви остави силен впечаток. Ќе почнете да се гледате, а во наредниот период можно е и нешто посериозно.

Близнаци

Ако сте во врска:

Јули ќе ви донесе повеќе забава, заеднички моменти и активности, како и квалитетно поминато време со саканата личност. Првата половина од месецот добро е да се посветите на заедничките цели. Успешно ќе ги усогласите силите и желбите за да ги остварите.

Втората половина сепак може да ви донесе мали несогласувања, главно врзани за финансиите. Сепак, генерално ќе бидете задоволни од тоа како врската се одвива. Комуникацијата ќе ви се подобри, само ќе треба да бидете поголема поддршка за ангажманите на партнерот.

Ако сте слободни:

Потребата за акција и движење е појачана, па не мирувајте. На место кое поминувате многу време одеднаш ќе забележите личност која ќе ви го привлече вниманието и ќе ви се допадне. Не губете време и остварете контакт.

Иако новата симпатија ќе ви остави позитивен впечаток, на почетокот ќе ви биде тешко да договорите средба. Во третата декада на месецот конечно ќе поминете повеќе време заедно и ќе откриете дека може да прерасне во нешто повеќе од авантура.

Рак

Ако сте во врска:

Поголемиот дел од јули ќе ви донесе затегнати односи со партнерот, бидејќи имате голема разлика во ставовите. Можно е заладување на односите, па неопходно ќе биде да најдете заеднички решенија ако сакате врската да успее.

Третата декада од месецот ќе ви донесе конечно подобрување на односите. Ќе имате повеќе трпение и преку разговор ќе најдете заеднички јазик. Потребни ви се мали промени за да забележите големо подобрување. Очекувајте повеќе заеднички забави и планови.

Ако сте слободни:

На почетокот на јули ќе ве привлече атрактивна личност. Освен во физичкиот изглед, ќе се заљубите и во начинот на комуникација, шармот и позитивната енергија која новата симпатија ја носи во себе. Ќе започнете да се гледате и да разговарате за заеднички цели.

Спонтано ќе влезете во врска и многу брзо ќе видите дека вашите очекувања се далеку поразлични од она што партнерот го нуди. Тоа ќе доведе до мали разочарувања. Кон крајот на јули ќе ви се отвори нова шанса, па треба да ја прифатите.

Лав

Ако сте во врска:

Ќе наидете на несогласувања со партнерот во врска со вашите заеднички планови. Избегнувајте да правите било што без знаење на партнерот, посебно ако се работи за флерт кој можеби за вас е безначаен. Тоа лесно може да излезе на виделина и да ја заврши врската, без оглед на тоа колку е стабилна.

Третата декада од јули ќе ви донесе разрешување на отежнатата комуникација со парнерот, како и решавање на конфликтите од почетокот на месецот. Потребни ви се повеќе заеднички, интимни моменти без трети лица.

Ако сте слободни:

На почетокот од месецот брзо ќе запловите во интимна авантура, но по само неколку гледања новата симпатија ќе ви открие дека е веќе зафатена. Предлогот да бидете во тајна врска нема да ви се допадне, но сепак ќе се согласите на овој ризик.

Внимателно, бидејќи од врската треба да излезете пред да настанат конфликти и компликации. Во третата декада на јули посветете се на забавите и излегувањата, преку кои ќе запознаете лице кое е слободно и заинтересирано за вас.

Девица

Ако сте во врска:

Потрудете се да ги исполните ветувањата кои сте ги дале на саканата личност, без одолговлекување, ако сакате хармонија. Овој месец ќе ви одговараат интимни моменти во пар, без многу гужви и собиранки. Јули е поволен период за заеднички одмор или продолжен викенд.

Повеќе посветете се на изненадувањата посветени на партнерот, бидејќи во последно време вниманието насочено кон него/неа ви е опаднато. Генерално, ако се потрудите, односот ќе ви биде стабилен и мирен.

Ако сте слободни:

Ќе запознаете личност уште на почетокот на месецот со која ќе почнете дискретно да се гледате. За кратко време ќе влезете во врска, но ќе остане тајна. Изговор ќе биде дека работите не се решени со бившиот партнер. Ќе бидете резервирани, но нема да бидете во право.

Врската ќе се покаже како складна и новиот партнер ќе има сериозни намери. Ќе бидете задоволни од текот на настаните до крајот на месецот, само потребно е отворено да зборувате и да го покажете задоволството.

Останатите 6 знаци се на следната страна...