Како изгледа утринската рутина на секој хороскопски знак?

Веќе добро знаеме дека сите хороскопски знаци се различни, свои, посебни, па време е да ја откриеме нивната утринска рутина. Кој е зборлив од рано наутро, а кој сака на мир да го испие првото кафе?

Проверете која утринска рутина ја практикувате, а која реално ви одговара за подобар старт на денот:

Овен

Вашиот знак наутро

Станувате од кревет и сте подготвени да го започнете денот. Се правите набрзина и пробувате да направите колку е можно повеќе работи одеднаш. Исто така, сакате да направите нешто возбудливо наутро како сигнал дека денот започнал.

Вашата идеална рутина

Високо енергетска. Изберете активност која ќе ви го забрза пулсот. Овните обожаваат да вежбаат наутро. Сексот исто така не е лош избор. Земете нешто за јадење по пат, бидејќи не обожавате да трошите време на седење и јадење. Не ви треба долго да се подготвите и затоа не трошете на тоа воопшто време. Доволен е еден туш и чиста облека.

Бик

Вашиот знак наутро

Не сакате да зборувате со никого, барем не додека не се напиете кафе. Ви треба простор и не сакате воопшто некој да ве брза. Не се движете брзо. Многу стимули наутро ви прават стрес, затоа што не сте доволно расонети и не сте подготвени за било каков предизвик.

Вашата идеална рутина

Бавно и лесно. Бикот се чувствува најдобро кога знае дека изгледа добро откако ќе излезе од домот, затоа не брзајте. Обожавате да слушате инструментална или бавна музика додека се подготвувате, затоа дозволете си го тоа задоволство. Вежбањето наутро не е за вас, преферирате да вежбате после работа.

Близнаци

Вашиот знак наутро

Озборува. Обожавате да зборувате или да ви зборуваат за сè. Сакате веднаш да бидете информирани за тоа што се пропуштиле и затоа веднаш ги проверувате социјалните мрежи.

Вашата идеална рутина

Многу социјална. Утро е најубавиот период во кој може да седите и да се дружите со семејството или да ги побарате вашите пријатели на телефон или на Фејсбук. Исто така можете да направите утринска рутина за вежбање со близок пријател и да се држите до неа.

Рак

Вашиот знак наутро

Мразите да станете од креветот, но откако ќе станете веднаш сте посветени на другите. Исто така посветувате време и на самите себе, со тоа што се трудите да изгледате добро.

Вашата идеална рутина

Рутина која вклучува грижење за другите и за себе. Почнете со долго туширање и релаксирајте се пред да се фокусирате на потребите на другите. Направете фамилијарен појадок, однесете кафе на вашиот партнер или пратете порака на близок пријател да прашате како е.

Лав

Вашиот знак наутро

Утрото не е вашиот омилен дел од денот. Тешко се будите и кога ќе се разбудите знаете да изгледате навистина злобно. Откако навистина ќе се расоните и ќе поминете преку утринските обврски, конечно почнувате да се чувствувате како човек и вашата забавна страна почнува да излегува на површина.

Вашата идеална рутина

Тивка и под контрола. Ве вади од такт кога имате неочекувани пречки во вашата рутина, како некој неконзистентен со кого го делите тоалетот. Знаете дека бавно се движите наутро, затоа направете утринска рутина со која ќе станувате порано и ќе имате доволно време без стрес да ги завршите обврските.

Девица

Вашиот знак наутро

Вие обожавате навики, затоа вашите утра изгледаат речиси идентично секој ден. Се будите и се спремате за работа, независно дали одите во канцеларија или се фокусирате на некој проект дома.

Вашата идеална рутина

Морате да имате цел веднаш штом ќе се пробудите. Сакате да вежбате наутро или да имате домашни обврски кои ќе морате да ги завршите. Пробајте да не се брзате, но бидете организирани со времето. И оставете долго време за туширање. Девиците сакаат долго туширање.

Уште 6 знаци на следната страна...