Од која лоша навика треба да се ослободите за да бидете среќни, според хороскопскиот знак
Вага – Неодлучност
Прекрасно е тоа што секогаш се трудите да постигнете баланс и да им удоволите и на другите, но понекогаш е неопходно да бидете одлучни – да донесете одлука и да се држите до неа.
Тоа што нема да отстапувате од сопствените ставови – не значи дека сте си ги ускратиле опциите, туку сте се придвижиле чекор понапред.
Верувајте ѝ на сопствената интуиција и дозволете вашите избори да зборуваат за тоа каква личност сте навистина.
Прифатете дека конфликтите и недоразбирањата не се секогаш лоша работа, туку и дека можете да научите нешто ново од нив.
Сфатете дека отворената комуникација со другите ви е неопходна за да ги решите проблемите што долго време ве опседнуваат и дека не мора постојано да премолчувате за доброто на сите.
Скорпија – Постојана потрага по заговори и скриени намери
Ваша главна цел е секогаш да бидете во потрага по вистината и да ги откриете скриените намери на луѓето.
Но, понекогаш нема потреба да барате мистерии таму каде што ги нема и да прифатите дека не секогаш луѓето коваат заговори против вас.
Исто така, добро би било да научите дека не можете сите работи да ги држите под контрола и дека понекогаш животот има поинакви планови за вас.
Сфатете дека има убавини и во непознатото, во исчекувањето и дека може да ви се случат неверојатни работи ако само малку си дозволите да уживате во животот.
Стрелец – Постојана потрага по нови авантури и нетрпеливост
Имате неограничена потреба за нови авантури и постојано сте во потрага по нешто неоткриено. Но, понекогаш на луѓето околу вас им е тешко да се справат со вашата нетрпеливост.
Добро би било да научите да уживате сега и во моментот, наместо постојано да копнеете за нови хоризонти и да фантазирате за новите патувања.
Исто така, добро би било да научите да бидете поодговорни и да не бегате постојано од обврските.
Обидете се да изградите близок однос со некои луѓе, научете да уживате во емоциите и во миговите кога се откривате себеси и сопствените емоции, наместо новите места и луѓе.
Јарец – Ориентираност само кон целта
За вас целта ги оправдува средствата, но треба да сфатите дека животот не може да се сведува само на постојано искачување кон врвот.
Потребно е да научите како да си дадете пауза од големиот број обврски што си ги наметнувате и да сфатите дека по секоја успешно завршена работа, неопходен ви е одмор.
Јасно ни е на сите дека сте перфекционисти по природа, но стравот од неуспех ви е најголем непријател.
Затоа добро би било да научите да се опуштите, да откривате нешто ново и да уживате во неискусеното.
Прифатете дека неуспехот не значи крај на патот, туку можност за созревање и за да научите нешто ново.
Водолија – Потреба за постојано бунтување
Имате визионерски идеи и ексцентрични сте, па заради тоа сте уникатни. Но, токму таа ваша карактеристика ги остава луѓето збунети.
Точно е дека сте бунтовници по природа, но добро би било да ги избирате битките и да не се бунтувате само заради тоа што можете да го правите тоа.
Заради вашата потреба за независност, често знаете да бегате од емоциите, но тоа ви е најголемиот проблем заради којшто не можете да остварите трајни пријателства.
На крајот на краиштата, сфатете дека само преку емоциите можете да ги споделите искуствата и да бидете присутни во животот на блиските.
Верувајте во тоа дека знаете како да се справите и со најтешките ситуации, но и со последиците што напливот на емоции може да ви ги донесе.
Риби – Потреба за бегство од реалноста
Имате бујна фантазија, но понекогаш знаете да отпатувате во некој свет што ви е познат само вам и да заборавите на реалноста.
Добро е понекогаш да се потрудите да останете присутни тука и сега, наместо постојано да барате шанса за бегство во ирационалното.
А ако, пак, успеете да ги комбинирате фантазијата и реалноста, ќе сфатите дека поседувате креативни идеи на кои многумина можат само да завидуваат.
Да се биде храбар не значи постојано да бегате од болката, туку да ја прифатите болката, да научите нешто од неа и да си дозволите да одите чекор напред.
Б. С. Б. | Црнобело
Би можело да ве интересира:
![](https://www.crnobelo.com/media/com_jvrelatives/images/thumbs/com_content_109013_400.jpg)
![](https://www.crnobelo.com/media/com_jvrelatives/images/thumbs/com_content_109719_400.jpg)
![](https://www.crnobelo.com/media/com_jvrelatives/images/thumbs/com_content_108699_400.jpg)
![](https://www.crnobelo.com/media/com_jvrelatives/images/thumbs/com_content_68609_400.jpg)
![](https://www.crnobelo.com/media/com_jvrelatives/images/thumbs/com_content_110303_400.jpg)
![](https://www.crnobelo.com/media/com_jvrelatives/images/thumbs/com_content_105934_400.jpg)