Епидемија на грип во X фактор - откажана лајв вечерта за овој вторник

Овој вторник (11.02) шестата лајв емисија на X фактор ќе биде заменета со емисијата „Запознај го својот фаворит“.

Причина за ова е епидемијата на грип која зафати голем дел од натпреварувачите и добар дел од екипата која го реализира ова шоу.

Продукцијата се реши во вторник, да биде прикажана специјалната емисија која по правило служи гледачите максимално да ги запознаат натпреварувачите.

Според правилата на X фактор, треба да има пауза после половина од лајв настапите, но паузата ќе биде поместена за овој вторник токму заради здравствената ситуација на натпреварувачите.