Тест според нумеролозите: Бројот на домашната адреса ја открива вашата судбина

Број 6

Овој број симболизира решителност, цврстина и екстремност. Тоа е или хармонично место со екстремна тишина или хаотичен дом со многу викање и постојани промени.

Исто така, ова може да биде дом во кој постои интензивен раздор и одбивност меѓу луѓето или интензивна љубов и искрена врска.

Бројот 6 како да извлекува екстремни емоции од луѓето и добро функционира за учење нови работи и посветеност на хобија како готвење, фотографија, работа со компјутери или занаети.

Во овој дом луѓето се исклучително креативни.

За да се зајакне позитивното и да се намали негативното влијание на бројот 6, добри се жолтите и светлозелените нијанси, но и да се уреди удобна дневна соба за дружење.

Луѓето што живеат тука мора да се грижат за забите и здравјето на коските.

Број 7

Овој број е симбол на мечтаење, имагинација и бунт. Луѓето кои живеат во дом со бројот 7 се духовни, чувствителни и ранливи.

Понекогаш тие ќе имаат проблем да ја одвојат реалноста од имагинацијата, а нивните ставови нема да се совпаѓаат со мислењето на мнозинството.

Според некои толкувања, токму во домовите под оваа бројка најчесто се случуваат паранормални појави и други необјасниви работи.

Луѓето кои живеат таму често се занимаваат со уметничка професија, имаат домашни миленици и се големи перфекционисти.

Овие луѓе ја сакат љубовта и често имаат страсни, но конфликтни врски.

Нивната среќа во бизнисот е многу променлива.

Не треба да претеруваат со алкохол, тутун и останатите пороци.

Добро е домот да го опремите со детали во виолетова боја, што ќе го намали негативното и ќе го зголеми позитивното влијание на бројката.

Број 8

Овој број е симбол на почит, стабилност и сила. Тоа носи добра репутација, авторитет, но и голема одговорност што овие луѓе често ја имаат кон другите.

Тие се трудат да им угодат на сите, но со мерка која не ја загрозува нивната благосостојба, а тоа е нешто што го учат дури во средните години.

Поради ова, помладите луѓе кои живеат на адреса со овој број можат да бидат несреќни, но тоа е краткотрајно.

Бројот 8 носи и почитување на традиционалните вредности во семејството, пријателството, работата, љубовта...

И покрај неговата стабилност, овој дом бара чести поправки и добро одржување, инаку може да се појават проблеми.

За да се засили позитивното влијание, добро е да внесете многу детали и украси во домот, како уметнички дела и огледала.

Најголеми здравствени проблеми се слабиот имунитет, честите настинки и инфекциите на мочниот меур.

Број 9

Овој број е симбол на големи поделби, што се рефлектира и во изгледот на домот - многу соби, различни распореди во секоја соба и многу различни темпераменти кои живеат под ист покрив.

На луѓето кои живеат таму обично не им недостасува иницијатива во животот, тие знаат што сакаат и се трудат да го постигнат тоа.

Тие можат да користат разни трикови и измами за да стигнат до целта, бидејќи имаат чудно разбирање за човечкиот морал. Сепак, тоа не значи дека тие се лоши, туку се исклучително снаодливи.

Обично се многу успешни на работа, но често се напнати дома. Навикнати се да живеат под стрес и би им било здодевно под различни околности.

Во домот често се појавуваат проблеми со греењето, влагата и топлата вода.

Домаќините мора да внимаваат на љубовните проблеми кои можат да им донесат депресија.

За да се подобри доброто и да се намали лошото влијание на бројот, добро е целата куќа да се поврзе во една целина со бели ѕидови и детали насекаде.

А. Ј. | Црнобело