Корисни трикови за мобилниот телефон за кои можеби не сте слушнале

Модерните телефони имаат многу функции кои ретко кога ги користиме, а понекогаш и воопшто не сме свесни за нив.

На пример, овие 5 паметни трикови кои веројатно не сте знаеле дека можете да ги користите:

Телефонот можете да го заклучите засекогаш

Ако вашиот паметен ви го украдат, можете да го блокирате целосно за воопшто да не може да се употребува. Само треба да го знаете вашиот IMEI број и да се јавите на мобилниот оператор за да побарате да ви го блокираат телефонот. За да го дознаете вашиот IMEI број, повикајте ја комбинацијата *#06#.

Телефонот можете да го претворите во микроскоп

Нема потреба да трошите илјадници денари на микроскоп, туку можете да се послужите со лепенката која може да ја најдете на kickstarter која од камерата на вашиот телефон може да направи микроскоп.

Со телефонот можете да сликате под вода

Дури и кога не ви е водоотпорен телефонот, некои влогери тврдат дека телефонот можете да го направите водоотпорен со помош на фолија. Не сме сигурни колку е издржано тврдењето, ама идејата дефинитивно е интересна. Пробувањето е на сопствен ризик. Еве како:

Android телефонот можете да го отклучите само со вашето лице

Телефонот може да се отклучи на многу различни начини, со пасворд, со движење, па и со вашето лице. За да го направите тоа, одете на Settings, па Security и на крај Screen lock одберете го како опција. Ако немате таква опција, можете да инсталирате апликација.

Продолжете го животот на вашиот телефон

Мал број на луѓе знаат дека всушност прашината која се собира во портот за полнење на телефонот е број еден причина за побрза „смрт“ на телефонот. За да го избегнете тоа, треба редовно да го чистите телефонот со шприц наполнет само со воздух.

Н. Г. | Црнобело